రాష్ట్రీయం
టీఆర్‌ఎస్ అభ్యర్థుల ఎంపిక పూర్తి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 18: కోదాడ, ముషీరాబాద్ అసెంబ్లీ స్థానాలకు టీఆర్‌ఎస్ అభ్యర్థులను పార్టీ అధినేత కల్వకుంట్ల చంద్రశేఖర్‌రావు సోమవారం ప్రకటించారు. ఈ రెండు స్థానాలకు అభ్యర్థులను ప్రకటించడంతో రాష్ట్రంలోని అన్ని స్థానాలకూ (119) టీఆర్‌ఎస్ అభ్యర్థుల ప్రకటన పూర్తి అయింది. కోదాడ అభ్యర్థిగా బొల్లం మల్లయ్య యాదవ్, ముషీరాబాద్ అభ్యర్థిగా ముఠా గోపాల్‌ను ఖరారు చేసింది. ముషీరాబాద్ సీటును హోంమంత్రి నాయిని నర్సింహారెడ్డి తన అల్లుడు, రాంనగర్ కార్పొరేటర్ శ్రీనివాస్‌రెడ్డి కోసం తీవ్రంగా ప్రయత్నించినప్పటికీ పార్టీ అధినేత కేసీఆర్ మాత్రం ముఠా గోపాల్‌కే ఖరారు చేయడం విశేషం. అలాగే కోదాడ అభ్యర్థిగా ఖరారు చేసిన బొల్లం మల్లయ్య యాదవ్ రెండు రోజుల కిందటే టీఆర్‌ఎస్‌లో చేరారు. కోదాడ నుంచి టీడీపీ టికెట్ ఆశించిన బొల్లం మల్లయ్య యాదవ్‌కు టికెట్ లభించలేదు. అక్కడ కాంగ్రెస్ సిట్టింగ్ తాజా ఎమ్మెల్యే పద్మావతికే తిరిగి టికెట్ లభించడంతో కూటమి నుంచి టికెట్ ఆశించిన మల్లయ్య యాదవ్ తీవ్ర అసంతృప్తి గురై తిరుగుబాటు అభ్యర్థిగా పోటీ చేయనున్నట్టు ప్రకటించారు. దీంతో టీఆర్‌ఎస్ నాయకులు రంగంలోకి దిగి అతన్ని మంత్రి కేటీఆర్ సమక్షంలో టీఆర్‌ఎస్‌లో చేర్చారు. కోదాడ నుంచి టీపీసీసీ అధ్యక్షుడు ఉత్తమ్‌కుమార్ రెడ్డి భార్య పద్మావతి బరిలో నిలవడంతో అక్కడ గట్టి పోటీ ఇవ్వగలరన్న నమ్మకంతో మల్లయ్య యాదవ్‌ను అభ్యర్థిగా ఎంపిక చేసింది. ఇలా ఉండగా ముషీరాబాద్ టికెట్ కోసం తన అల్లుడు శ్రీనివాస్‌రెడ్డి కోసం హోంమంత్రి నాయిని నరసింహారెడ్డి చివరి వరకు తీవ్ర ప్రయత్నం చేశారు. ముషీరాబాద్ నుంచి బీజేపీ రాష్ట్ర అధ్యక్షుడు డాక్టర్ కె లక్ష్మణ్ బరిలో ఉండటంతో అక్కడ గట్టి పోటీ ఇవ్వాలంటే బీసీ అభ్యర్థినే బరిలోకి దించాలని టీఆర్‌ఎస్ అధిష్టానం భావించింది. అయితే మంత్రి నాయిని నరసింహారెడ్డి అసంతృప్తికిలోను కాకుండా సీఎం కేసీఆర్ స్వయంగా నాయిని నరసింహారెడ్డిని ఒప్పించి ఆయన చేతుల మీదుగానే ముఠా గోపాల్‌కు బీ-్ఫరమ్ అందజేయాలని ఆదేశించారు. నామినేషన్ల దాఖలుకు సోమవారం చివరి తేదీ కావడంతో అదే రోజు ఉదయం ముఠా గోపాల్‌కు నాయిని నరసింహారెడ్డి బీ-్ఫరమ్ అందజేస్తారని టీఆర్‌ఎస్ పార్టీ ఒక ప్రకటనలో పేర్కొంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.