రాష్ట్రీయం
లక్ష్యసాధనే ప్రధానం
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి, నవంబర్ 19: పోలవరం ప్రాజెక్ట్ సకాలంలో పూర్తి కావాలంటే నిర్దేశించిన లక్ష్యాలను నిర్ణీత సమయానికి పూర్తిచేయాలని ముఖ్యమంత్రి చంద్రబాబునాయుడు ఆదేశించారు. తవ్వకం, కాంక్రీట్ పనులు ఏప్రిల్ నాటికి ఎట్టి పరిస్థితుల్లో పూర్తికావాలని స్పష్టం చేశారు. పోలవరం ప్రాజెక్ట్, ఇతర ప్రాధాన్య పనుల పురోగతిపై సోమవారం ప్రజావేదిక హాల్‌లో సమీక్ష నిర్వహించారు. పశ్చిమ గోదావరి జిల్లాలో నిర్వాసితులైన గిరిజనులకు నిర్మిస్తున్న 4,146 ఇళ్ల నిర్మాణం పూర్తి కావచ్చిందని అధికారులు వివరించారు. జనవరి ఒకటో తేదీకల్లా ఆర్ అండ్ ఆర్ ప్యాకేజీ పనులన్నీ పూర్తికావాలని నిర్దేశించారు. ఇప్పటివరకు పోలవరం ప్రాజెక్ట్ నిర్మాణం మొత్తం 61.03 శాతం పూర్తికాగా, తవ్వకం పనులు 81, కాంక్రీట్ పనులు 48.6శాతం పూర్తయ్యాయని చెప్పారు. కుడి ప్రధాన కాలువ 90శాతం, ఎడమ ప్రధాన కాలువ 65.54, రేడియల్ గేట్ల ఫ్యాబ్రికేషన్ 61.94 శాతం, పూర్తయిందని తెలిపారు. గత వారం స్పిల్ చానల్, స్పిల్‌వే, పైలెట్ చానల్, అప్రోచ్ చానల్, లెఫ్ట్ ప్లాంక్‌కు సంబంధించి 5.11 లక్షల క్యూబిక్ మీటర్ల మేర తవ్వకం పనులు, స్పిల్‌వే, స్పిల్ చానల్, స్టిల్లింగ్ బేసిన్‌కు సంబంధించి 60వేల క్యూబిక్ మీటర్ల వరకు కాంక్రీట్ పనులు జరిగాయని, 39వేల క్యూబిక్ మీటర్ల మేర కాపర్‌డ్యామ్ పనులు చేపట్టామని వివరించారు. ఇప్పటివరకు రూ. 15,025.45 కోట్లు ఖర్చు కాగా జాతీయ ప్రాజెక్ట్‌గా ప్రకటించిన తరువాత రూ.9,889.5 కోట్లు రాష్ట్ర ప్రభుత్వం ఖర్చు చేసింది.. ఇందులో కేంద్రం రాష్ట్రానికి రూ.3,162.32 కోట్లు తిరిగి చెల్లించాల్సి ఉంది. ప్రాధాన్య ప్రాజెక్ట్‌లకు సంబంధించి అడవిపల్లి రిజర్వాయర్ నిర్మాణం కూడా పూర్తయిందని అధికారులు సీఎం దృష్టికి తీసుకొచ్చారు. సమీక్షలో జలవనరులశాఖ మంత్రి దేవినేని ఉమామహేశ్వరరావు, సీఎంఒ ముఖ్యకార్యదర్శి జీ సాయిప్రసాద్, ఆర్థికశాఖ కార్యదర్శి ముద్దాడ రవిచంద్ర, సీఎం అదనపు కార్యదర్శి ఏవీ రాజవౌళి నిర్మాణ సంస్థల ప్రతినిధులు పాల్గొన్నారు.
చిత్రం..పోలవరంపై సమీక్షిస్తున్న ముఖ్యమంత్రి చంద్రబాబు నాయుడు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.