రాష్ట్రీయం
దొరల పాలనకు చరమగీతం
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, నవంబర్ 19: ప్రజల హక్కులను హరించివేసిన కేసీఆర్ దొరతనానికి తెలంగాణ ప్రజలు చరమగీతం పాడాలని పీసీసీ ప్రచార కమిటీ చైర్మన్ మల్లు భట్టివిక్రమార్క పేర్కొన్నారు. సోమవారం ఖమ్మం జిల్లా మధిర నియోజకవర్గంలో కాంగ్రెస్ అభ్యర్థిగా నామినేషన్ దాఖలు చేసిన అనంతరం పీసీసీ వర్కింగ్ ప్రెసిడెంట్ జెట్టి కుసుమకుమార్, పార్టీ ఇంచార్జ్ సలీం అహ్మద్‌లతో కలిసి బహిరంగ సభలో మాట్లాడుతూ అహంకారంతో, దౌర్జన్యంతో అధికారాన్ని దక్కించుకోవాలని ప్రయత్నిస్తున్న టీఆర్‌ఎస్‌కు గుణపాఠం చెప్పాలన్నారు. తమను ఎదిరించిన వారిని అడ్డుకునే ప్రయత్నం చేయడం, ప్రశ్నించిన వారిని నిలువరించడం టీఆర్‌ఎస్ పాలనలో జరిగిన దారుణాలన్నారు. ప్రజాస్వామ్యాన్ని రక్షించేందుకే మహాకూటమి ఏర్పడిందని, డిసెంబర్ 7న జరిగే ఎన్నికల్లో రాష్టవ్య్రాప్తంగా ప్రజలు మహాకూటమికి బ్రహ్మరథం పట్టనున్నారన్నారు. కాంగ్రెస్ అధికారంలోకి రాగానే డ్వాక్రా మహిళలకు లక్ష రూపాయల వడ్డీలేని రుణం, రెండులక్షల రైతు రుణమాఫీ, ఇప్పుడు ఇస్తున్న పెన్షన్ల రెట్టింపు లాంటి కార్యక్రమాలను చేపట్టనున్నామన్నారు. ప్రజల ఆకాంక్షల మేరకు తెలంగాణ రాష్ట్రాన్ని ఏర్పాటు చేసిన సోనియాగాంధీ రుణం తీర్చుకునే సమయం ఆసన్నమైందని, కేంద్రంలో బీజేపీ, రాష్ట్రంలో టీఆర్‌ఎస్ నేతల అహంకార పాలనకు చరమగీతం పాడేందుకే చంద్రబాబునాయుడు కూడా కాంగ్రెస్‌తో కలిసి వచ్చారని వెల్లడించారు.
కులమతాలకతీతంగా దొరల పాలనను తరిమికొట్టేందుకు అందరూ కలిసి రావాలని పిలుపునిచ్చారు. రాష్టవ్య్రాప్తంగా మహాకూటమికి ప్రజలు బ్రహ్మరథం పడుతున్నారని, అది తట్టుకోలేక తామేదో అభివృద్ధికి అడ్డుపడుతున్నామని టీఆర్‌ఎస్ నేతలు విమర్శలు చేస్తున్నారన్నారు. తాము అధికారంలోకి రాగానే టీఆర్‌ఎస్ అవినీతిని ప్రజల ముందు పెడుతామన్నారు. ఈ కార్యక్రమంలో భట్టివిక్రమార్క సతీమణి మల్లు నందిని, టీడీపీ నేత వాసిరెడ్డి రామనాథం తదితరులు పాల్గొన్నారు.
చిత్రం..ఖమ్మం జిల్లా మధిర నియోజకవర్గంలో జరిగిన సభలో మాట్లాడుతున్న భట్టి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.