రాష్ట్రీయం
శ్రీవారి ఆలయంలో ఘనంగా కైశిక ద్వాదశి ఆస్థానం
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, నవంబర్ 20: కైశిక ద్వాదశి పర్వదినాన్ని పురస్కరించుకుని తిరుమల శ్రీవారి ఆలయంలో మంగళవారం సాలకట్ల కైశిక ద్వాదశి ఆస్థానాన్ని టీటీడీ ఘనంగా నిర్వహించింది. ఉదయం 4.30 నుంచి 5.30 గంటల వరకు శ్రీ ఉగ్రశ్రీనివాసమూర్తి ఉభయనాంచారులతో కలిసి మాడ వీధులలో ఊరేగారు. అనంతరం ఆలయంలోని ప్రవేశించారు. ఈ సందర్భంగా శ్రీదేవి, భూదేవీ సమేత మలయప్ప వారిని బంగారు వాకిలి వద్ద వేంచేపు చేసి అర్చకులు పురాణ పఠనంతో కైశిక ద్వాదశి ఆస్థానాన్ని ఘనంగా నిర్వహించారు. ఈసందర్భంగా టీటీడీ చైర్మన్ పుట్టా సుధాకర్ యాదవ్ మాట్లాడుతూ పురాణలలో చెప్పిన విధంగా స్థితికారుడైన శ్రీ మహా విష్ణువు ఆషాఢ శుక్ల ఏకాదశినాడు గాఢ నిద్రలోకి వెళతారని, కైశిక ద్వాదశినాడు ఆయన్ను మేల్కొల్పు చేయడం ఆనవాయితీగా వస్తోందని తెలిపారు. సాక్షాత్తు శ్రీమహావిష్ణువు స్వరూపంగా భావించి కలియుగ ప్రత్యక్ష దైవమైన తిరుమల శ్రీ వేంకటేశ్వర స్వామివారి ఆలయంలో కైశిక ద్వాదశిని ప్రతి ఏటా టీటీడీ ఘనంగా నిర్వహిస్తోందన్నారు. టీటీడీ ఈ ఓ అనిల్‌కుమార్ సింఘాల్ మాట్లాడుతూ ఏడాదిలో ఈ ఒక్కరోజు మాత్రమే ఉగ్రశ్రీనివాసమూర్తిని మాడ వీధుల్లో ఊరేగిస్తారని అన్నారు. కైశిక ద్వాదశిని ప్రబోధోత్సవం అని, ఉత్తాన ద్వాదశి అని కూడా వ్యవహరిస్తారని చెప్పారు. స్థితికారుడైన శ్రీ మహావిష్ణువును మేల్కోల్పే పర్వదినాన్ని కైశిక ద్వాదశిగా పిలుస్తారని అన్నారు. ఈ ఉత్సవ నేపథ్యంలో స్వామివారికి ప్రాతః కాలంలో నిర్వహించే సుప్రభాతం, తోమాల, అర్చన సేవలను ఏకాంతంగా నిర్వహించినట్టు చెప్పారు. ఈ కార్యక్రమంలో టీటీడీ పెద్దజీయర్ స్వామి, చిన్నజీయర్ స్వామి, ధర్మకర్తల మండలి సభ్యులు శ్రీకృష్ణ, ఆలయ డిప్యూటీ ఈఓ హరీంద్రనాథ్, వీజీఓ మనోహర్ పాల్గొన్నారు.
రేపు కార్తీక పర్వ దీపోత్సవం
తిరుమల శ్రీవారి ఆలయంలో ఈనెల 22న కార్తీక పర్వదీపోత్సవం ఘనంగా జరుగనుంది. కార్తీక పౌర్ణమినాడు శ్రీవారికి సాయంకాల కైంకర్యాలు, నివేదనలు పూర్తి అయిన తరువాత ఈ దీపోత్సవం నిర్వహిస్తారు. ఈ కారణంగా సహస్రదీపాలంకార సేవను టీటీడీ రద్దు చేసింది.
ప్రతి నెలా పౌర్ణమినాడు నిర్వహించే పౌర్ణమి గరుడసేవ కూడా ఈ కారణంగా రద్దయింది. ఈ సందర్భంగా సాయంత్రం 5 నుంచి రాత్రి 8.30 గంటల వరకు శ్రీ యోగనరసింహ స్వామి ఆలయం పక్కన ఉన్న పరిమళ అర వద్ద 100 కొత్త మూకుళ్లలో నేతి వత్తులతో దీపాలను వెలిగిస్తారు. ఛత్రచామర, మంగళవాయిద్యాల నడుమ దీపాలతో ఊరేగింపుగా విమాన ప్రదక్షిణం చేసి, ఆనంద నిలయంలో శ్రీవారికి హారతి ఇస్తారు. గర్భాలయంలో అఖండం, కులశేఖరపడి, రాములవారి మేడ, ద్వారపాలకులు, గరుడాళ్వారు, వరదరాజస్వామి, సన్నిధి, వకుళామాత, బంగారుబావి, కల్యాణ మండపంతోపాటు సభేర, తాళ్లపాకవారి అర, భాష్యకారుల సన్నిధి, యోగ నరసింహస్వామి, విష్వక్సేనులు, చందనం అర, వెండి వాకిటి, ధ్వజ స్తంభం, బలిపీఠం, క్షేత్రపాలకుల సన్నిధి, తిరుమలరాయ మండపం, పూలబావి, రంగనాయక మండపం, మహాద్వారం, బేడి ఆంజనేయ స్వామి, శ్రీవరాహస్వామి ఆలయం, స్వామి పుష్కరణి వద్ద నేతి జ్యోతులను ఏర్పాటు చేస్తారు.
చిత్రం..కైశిక ద్వాదశి పర్వదినం సందర్భంగా మంగళవారం వేకువజామున
ఉభయ దేవేరులతో కూడిన ఉగ్ర శ్రీనివాసుడిని తిరుమల మాడ వీధుల్లో ఊరేగిస్తున్న దృశ్యం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.