రాష్ట్రీయం
వీసీ రీకాల్ కోరతా
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 26: ‘హైదరాబాద్ సెంట్రల్ యూనివర్సిటీ వైస్ చాన్స్‌లర్‌ను రీ-కాల్ చేసే అంశం రాష్ట్ర ప్రభుత్వ పరిధిలో లేదని, అది కేంద్రం పరిధిలో ఉండటంతో ప్రధానితో స్వయంగా చర్చించి రెండు, మూడు రోజులలోనే సమస్య పరిష్కారం అయ్యేటట్టు చూస్తా’నని ముఖ్యమంత్రి కె చంద్రశేఖర్‌రావు హామీ ఇచ్చారు. శాసనసభలో శనివారం హెదరాబాద్ సెంట్రల్ యూనివర్సిటీ, ఉస్మానియా యూనివర్సిటీలో చోటు చేసుకున్న అంశాలపై జరిగిన చర్చ సందర్భంగా విపక్ష సభ్యులు చేసిన డిమాండ్లపై ముఖ్యమంత్రి కెసిఆర్ సమాధానమిచ్చారు. వైస్ చాన్స్‌లర్‌ను రీకాల్ చేయాలని శాసనసభలో తీర్మానం చేయాలన్న డిమాండ్‌ను ముఖ్యమంత్రి తోసిపుచ్చారు. ఒక విసిని రీకాల్ చేయాలని శాసనసభలో తీర్మానం చేయాల్సిన స్థాయి అంశం కాదని ఆయన అభిప్రాయపడ్డారు. అలా చేస్తే సభ గౌరవాన్ని మనకు మనం తగ్గించుకున్నట్టు అవుతుందని ముఖ్యమంత్రి సూచించారు. హెచ్‌సియు, ఉస్మానియా యూనివర్సిటీలో జరిగిన సంఘటలు దురదృష్టకరమని ముఖ్యమంత్రి ఖండించారు. ఇక్కడ జరిగిన ఘటనలు సమాజానికి మంచిది కాదన్నారు. హెచ్‌సియుకు రాహుల్ గాంధీ, కేజ్రివాల్, ఇతర రాజకీయ పార్టీల నేతలు వచ్చిపోవడంపై వస్తున్న విమర్శల నేపథ్యంలోనే తాను అక్కడికి వెళ్లలేదని ముఖ్యమంత్రి స్పష్టం చేశారు. అయినప్పటికీ తమ ఎంపి విశేశ్వర్‌రెడ్డిని తానే అక్కడికి పంపించి విషయం తెలుసుకున్నానని చెప్పారు. రాజకీయపరంగా సిద్ధాంత వైరుధ్యాలపై విద్యాలయాలను వేదికగా చేసుకుని కలుషితం చేయవద్దని ముఖ్యమంత్రి హితవు పలికారు. వివక్షలేని సమాజం కోసం మేధావులు, ప్రగతిశీల శక్తులు, సంస్థలు ఐక్యంగా ముక్తకంఠం పని చేయాల్సిన అవసరం ఉందని ముఖ్యమంత్రి అన్నారు. రోహిత్ మృతి తనను ఎంతగానో కలిచివేసిందన్నారు. రోహిత్ తల్లిని పరామర్శించేందుకే జెఎన్‌యు విద్యార్థి నాయకుడు కన్హయ్య హైదరాబాద్‌కు వచ్చారన్నారు. కన్నయ్యను అరెస్టు చేయవద్దని, ఆయన సభకు అడ్డు చెప్పవద్దని తానే పోలీసులను ఆదేశించినట్టు ముఖ్యమంత్రి వెల్లడించారు. హెచ్‌సియు సిబ్బంది మాత్రమే కన్హయ్యను అడ్డుకున్నారని ముఖ్యమంత్రి గుర్తు చేశారు. భవిష్యత్‌లో హెచ్‌సియు, ఉస్మానియా వర్సిటీలో జరిగిన ఘటనలు పునరావృతం కాకుండా చర్యలు తీసుకుంటామని ముఖ్యమంత్రి హామీ ఇచ్చారు. ఉస్మానియా యూనివర్సిటీలో ఎమ్మెల్యే సంపత్‌కుమార్‌పై దాడి జరిగినట్టు ఆయన నుంచి ఇప్పటి వరకు ఫిర్యాదు చేయలేదని ముఖ్యమంత్రి గుర్తు చేశారు. ఫిర్యాదు చేస్తే విచారణ జరిపి బాధ్యులపై చర్య తీసుకుంటామని ముఖ్యమంత్రి హామీ ఇచ్చారు. ఈ రెండు యూనివర్సిటీలలో పోలీసులు అతిగా ప్రవర్తించినట్లు సభ్యులు చెప్పినందున పోలీసు ఉన్నతాధికారితో నిష్పాక్షికంగా విచారణ జరిపించి నివేదిక సభకు అందజేస్తామని ఆయన తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.