రాష్ట్రీయం
పెరిగిన ఓటు.. ఎవరికి చేటు?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: ఈ సారి ఎన్నికల్లో పోలింగ్ శాతం గత ఎన్నికల కంటే గణనీయంగా పెరగడం దేనికి సంకేతం?. అధికార పార్టీ ప్రభంజనానికా? ప్రతిపక్ష కూటమి విజయానికా? అనే అంశం సర్వత్రా చర్చనీయాంశంగా మారింది. టీఆర్‌ఎస్ ప్రభుత్వాన్ని తిరిగి గద్దె నెక్కించడానికి వీచిన ప్రభంజనంగా భారీ పోలింగ్‌ను పాలకపక్షం అంచనా వేస్తోంది. అయితే, ప్రభుత్వ వ్యతిరేకతతో తమకు అనుకూలంగా పోటెత్తిన ఓట్లుగా దీన్ని ప్రజాకూటమి భావిస్తోంది. పెరిగిన ఓటింగ్ శాతం ఎవరికి లాభం అన్న చిక్కుముడిపై రాజకీయ వర్గాలు, విశే్లషకులు, ప్రజల్లో ఎక్కడ చూసినా తీవ్ర ఉత్కంఠ నెలకొంది. తాము చేపట్టన సంక్షేమ, అభివృద్ధి పథకాల పట్ల ప్రజల నుంచి వ్యక్తమైన పాజిటివ్ ఓటుగా టీఆర్‌ఎస్ వర్గాలు దీన్ని విశే్లషిస్తున్నాయి. ప్రభుత్వ వ్యతిరేకతకు సంకేతంగా ప్రజాకూటమి వర్గాలు దీన్ని అన్వయించుకుంటున్నాయి. పార్టీల మాట ఎలా ఉన్నా..నిపుణులు మాత్రం ఇందుకు భిన్నమైన వాదనలే వినిపిస్తున్నారు. ఓటింగ్ శాతం పెరగడం ప్రభుత్వ వ్యతిరేకంగా చెప్పలేమని, ప్రభుత్వానికి అనుకూలం కూడా కావచ్చని ఎన్నికల ట్రెండ్స్, ఎగ్జిట్ పోల్స్‌పై సర్వే నిర్వహించే సంస్థల నిపుణులు అంటున్నారు. ఓటింగ్ శాతం పెరగడం వల్ల తమ అంచనా మేరకు వంద సీట్లు గెలవడం ఖాయమని మంత్రి కేటీఆర్ విశే్లషించగా, తాము ముందు నుంచి అంచనా వేసినట్టుగా 80 స్థానాల్లో ప్రజాకూటమి విజయానికి సంకేతంగా టీపీసీసీ అధ్యక్షుడు ఉత్తమ్‌కుమార్‌రెడ్డి వ్యాఖ్యానించారు. ఓటింగ్ శాతం పెరగడం పట్ల పాలక, ప్రతిపక్ష పార్టీలో గెలుపు ధీమాను పెంచినప్పటికీ ఎవరి అంచనాలు ఫలించేది? లేనిది మరో 24 గంటల్లో తేలిపోనుంది. టీఆర్‌ఎస్ పార్టీ అంచనాలకు ప్రధానంగా
మూడు కారణాలు విశే్లషిస్తోంది. తమకు గట్టి బలమున్న గ్రామీణ ప్రాంతాల్లో ఓటింగ్ శాతం పెరగడం, అలాగే మహిళా ఓటర్లు కూటమికంటే తమకే మొగ్గు చూపడం, ప్రజాకూటమికి అనుకూలంగా ఉన్న పట్టణ ప్రాంతాల్లో ఓటింగ్ శాతం తగ్గడం తమకు కలిసొచ్చే అంశంగా చెబుతోంది. అయితే ఇందుకు పూర్తి భిన్నంగా ప్రజాకూటమి లెక్కలేసుకుంటోంది. డబుల్ రూమ్ ఇళ్ల హామీ పట్టణ ప్రాంతాల కంటే ఎక్కువగా గ్రామీణ ప్రాంతాలను ప్రభావితం చేసిందని, అయితే ఎక్కడా ఈ పథకం క్షేత్రస్థాయిలో గ్రౌండ్ కాకపోవడం పట్ల గ్రామాల్లో తీవ్ర వ్యతిరేకత ఉందని చెబుతోంది. అలాగే ఇంటింటికి మంచినీరు ఇచ్చే మిషన్ భగీరథ, దళితులకు ఉచితంగా మూడు ఎకరాల హామీలను నిలబెట్టుకోకపోవడం, నిరుద్యోగ యువతకు ఉద్యోగ నియామకాలు జరగకపోవడం, కనీసం డీఎస్సీ నిర్వహించలేకపోవడం తదితర ప్రధాన అంశాలు పట్టణ ప్రాంతాల కంటే గ్రామీణ ప్రాంతాలను ఎక్కువగా ప్రభావితం చేశాయనీ, ఈ కారణాల వల్ల ప్రభుత్వ వ్యతిరేక పవనాలు తమకు అనుకూలంగా మారాయని ప్రజాకూటమి నేతలు విశే్లషిస్తున్నారు. ఎన్నికల విశే్లషకులు, రాజకీయ, మేధావి వర్గాలు మాత్రం ఓటింగ్ శాతం పెరగడం పాలకపక్షం టీఆర్‌ఎస్‌కుగానీ, ప్రజాకూటమికి కానీ ఏదో ఒక పార్టీ వైపు ప్రజల మొగ్గుకు కారణం అయి ఉండవచ్చని చెబుతున్నాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.