రాష్ట్రీయం
ఖమ్మం.. విభిన్నం!
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం: రాష్టమ్రంతా ఒక ఎత్తయితే ఖమ్మం ఒకటి ప్రత్యేకమని మరోసారి రుజువైంది. ఎప్పుడు ఏ ఎన్నికల్లోనైనా రాష్ట్రంలోని అన్ని జిల్లాలో ఒక పార్టీకి మెజార్టీ వస్తే ఖమ్మం జిల్లాలో మాత్రం అందుకు భిన్నమైన ఫలితాలు వెలువడుతుంటాయి. ఈ సారి కూడా అదే పరిస్థితి నెలకొన్నది. రాష్ట్రంలోని అన్ని జిల్లాలో అత్యధిక స్థానాలు తెలంగాణ రాష్ట్ర సమితి గెలుచుకోగా ఖమ్మం జిల్లాలో మాత్రం ప్రజాకూటమి 8 స్థానాల్లో విజయం సాధించింది. టీఆర్‌ఎస్ కేవలం ఒక్క స్థానానికే పరిమితమైంది. గతంలో జరిగిన జిల్లా పరిషత్, సహకార బ్యాంకు ఎన్నికల్లో కూడా రాష్టమ్రంతా ఒక పార్టీకి అధికారం దక్కితే ఖమ్మం జిల్లాలో మాత్రం మరో పార్టీకి పట్టం కట్టారు. ఎన్టీ రామారావు, చంద్రబాబునాయుడు ప్రభుత్వాల సమయంలో కూడా ఖమ్మం జిల్లాలో కమ్యూనిస్టులకే ఎక్కువ స్థానాలు దక్కాయి. 2014 ఎన్నికల్లో రాష్ట్రంలో అన్ని జిల్లాల్లో టీఆర్‌ఎస్ ఎక్కువ స్థానాల్లో విజయం సాధించి ప్రభుత్వాన్ని ఏర్పాటు చేయగా ఉమ్మడి ఖమ్మం జిల్లాలో మాత్రం కేవలం కొత్తగూడెం స్థానంలో మాత్రమే విజయం సాధించింది. అంతేకాకుండా ఆ ఎన్నికల్లో కొత్తగూడెం, ఖమ్మం స్థానాలు మినహా మిగిలిన అన్ని స్థానాల్లో డిపాజిట్లు కూడా రాకపోవడం విశేషం. కానీ ఈసారి కూడా అన్ని స్థానాల్లో టీఆర్‌ఎస్ పోటీచేసినప్పటికీ కేవలం ఖమ్మం స్థానంలో మాత్రమే విజయం సాధించింది. అయితే మిగిలిన అన్ని స్థానాల్లో టీఆర్‌ఎస్ రెండవ స్థానంలోనే నిలిచింది. ఇదిలా ఉండగా తెలుగుదేశం పార్టీ రాష్ట్రంలో 13 స్థానాల్లో పోటీ చేయగా, అందులో ఖమ్మంలోనే మూడు స్థానాలు ఉన్నాయి. ఖమ్మం స్థానంలో ఆ పార్టీ పొలిట్‌బ్యూరో సభ్యుడు నామా నాగేశ్వరరావు పోటీచేయగా ఆయనకు మద్దతుగా కాంగ్రెస్, టీడీపీ జాతీయాధ్యక్షులు రాహుల్‌గాంధీ, చంద్రబాబునాయుడుతో పాటు అనేక మంది పెద్దలు ప్రచారం నిర్వహించినప్పటికీ ఓటమి పాలయ్యారు. అలాగే సీపీఐ పోటీచేసిన వైరా స్థానంలో స్వతంత్ర అభ్యర్థి విజయం సాధించారు. అంతేకాకుండా భద్రాచలం నియోజకవర్గంలో చివరి నిమిషంలో కాంగ్రెస్ అభ్యర్థిగా నామినేషన్ దాఖలు చేసిన వరంగల్ జిల్లాకు చెందిన పొడెం వీరయ్య ఊహించని విధంగా ఘనవిజయం సాధించారు. అలాగే సీపీఎంకు గట్టి పట్టున్న భద్రాచలంలో ఆ పార్టీ అభ్యర్థి 13వేల ఓట్లే సాధించగా, సీపీఐ(ఎంఎల్)న్యూడెమోక్రసీకి గట్టి పట్టున్న ఇల్లెందు నియోజకవర్గంలో ఆ పార్టీ 12వేల ఓట్లను సాధించింది. గత శాసనసభ ఎన్నికల్లో కూడా ఫలితాలు ఇదేవిధంగా వచ్చాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.