రాష్ట్రీయం
కలవరపెడుతున్న వాయుగుండం
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం: ఆగ్నేయ బంగాళాఖాతంలో ఏర్పడిన వాయుగుండం గురువారం రాత్రికి తీవ్ర వాయుగుండంగా మారింది. మరో 24 గంటల్లో ఇది తుపానుగా మారే అవకాశం ఉందని విశాఖ వాతావరణ కేంద్రం అధికారులు గురువారం రాత్రి తెలిపారు. ప్రస్తుతం ట్రింకోమలి (శ్రీలంక)కు తూర్పు ఆగ్నేయంగా 830 కిమీ, చెన్నైకి ఆగ్నేయంగా 1150 కిమీ, మచిలీపట్నానికి దక్షిణ ఆగ్నేయంగా 1330 కిమీ దూరంలో కేంద్రీకృతమై ఉంది. ఇది క్రమంగా ఉత్తర వాయువ్య దిశగా కదులుతూ చెన్నై-కడలూరు వైపు పయనిస్తోందని పేర్కొన్నారు. తీవ్ర వాయుగుండం 15 నాటికి తీవ్ర తుపానుగా బలపడే అవకాశం ఉందన్నారు. దీని ప్రభావంతో కోస్తాంధ్ర, ఉత్తర తమిళనాడు, పుదుచ్చేరి ప్రాంతాల్లో ఒక మోస్తరు నుంచి భారీ వర్షాలు కురిసే అవకాశం ఉందని పేర్కొన్నారు. దీని ప్రభావంతో 14వ తేదీ నుంచి నైరుతి ఆగ్నేయ బంగాళాఖాతంలో గంటకు 65 నుంచి 75 కిమీ వేగంతో గాలులు వీస్తాయని, వీటి తీవ్రత 85 కిమీ వేగానికి పెరిగే అవకాశం ఉందన్నారు. సముద్రం కల్లోలంగా ఉంటుందని, అలలు దాదాపు 6 మీటర్ల ఎత్తుకు ఎగసిపడే అవకాశం ఉందన్నారు. మత్స్యకారులు సముద్రంలోకి వెళ్లవద్దని, ఇప్పటికే వెళ్లినవారు తీరానికి చేరుకోవాలని హెచ్చరించారు. 15వ తేదీ నాటికి తీరానికి సమీపంలో గాలులు 45 నుంచి 55 కిమీకి తగ్గుతాయన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.