రాష్ట్రీయం
కొత్తగా 6 ఐటీ కంపెనీలు
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ: ఐటీ రంగంలో పెట్టుబడులకు రాష్ట్ర ప్రభుత్వం తీసుకుంటున్న చొరవ సత్ఫలితాలను ఇస్తోంది. ఇప్పటికే అనేక ఐటీ కంపెనీలు రాష్ట్రంలో పెట్టుబడులు పెట్టగా, తాజాగా మరో ఆరు కంపెనీలు రాజధాని అమరావతిలో బుధవారం ప్రారంభం కానున్నాయి. రాష్ట్ర ఐటీ శాఖ మంత్రి లోకేష్ ప్రత్యేక శ్రద్ధ తీసుకుంటుండటంతో రాష్ట్రం కూడా ఐటీ హబ్‌గా మారుతోందనవచ్చు. గుంటూరు జిల్లా తాడేపల్లిలోని ఏపీఏన్నార్టీ కార్యాలయం ఇన్ఫోసైట్ భవనంలో ఏర్పాటైన ఐదు కంపెనీలను మంత్రి ప్రారంభించనున్నారు. జిటి కనెక్టు ఇండియా, పారికరం ఐటి సొల్యూషన్స్, టెక్ స్కేప్, ట్రెండ్ సాఫ్ట్, డియాగ్నో స్మార్ట్ సొల్యూషన్స్ కంపెనీలు తమ కార్యాకలాపాలను ప్రారంభించనున్నాయి. రాష్ట్ర విభజన తరువాత ఏపీలో ఐటీ రంగం జీరోగా ఉండేది. రాష్ట్రంలో ఐటీ కంపెనీల పెట్టుబడులను ఆకర్షించేందుకు వీలుగా రాష్ట్ర ప్రభుత్వం ఇస్తున్న ఆనేక రాయితీలతో అనేక కంపెనీలు ముందుకు వచ్చాయి. దేశంలో ఏ రాష్ట్రంలోనూ లేనివిధంగా ఇక్కడ ఐటీ పాలసీలను రూపొందించారు. మంత్రి చొరవతో తీసుకువచ్చిన డీటీపీ పాలసీ చిన్న, మధ్య తరగతి కంపెనీలకు వరంగా మారింది. 50 శాతం అద్దె రాయితీతో అద్దెకు భవనాలు ప్లగ్ అండ్ ప్లే విధానంలో లభిస్తుండటంతో భారీ ఎత్తున ఐటీ కంపెనీలు వస్తున్నాయి. ఇందుకు ఏపీఎన్నార్టీ, ఏపీఈఐటీఏ సహకాకరం కూడా ఉపయోగపడుతోంది. విజయవాడలో బిజినెస్ స్పేసెస్ కార్యాలయంలో ఏపీ ఆన్‌లైన్ కంపెనీని ప్రారంభించనున్నారు. ఈ ఆరు కంపెనీలతో 600 మందికి ఉద్యోగాలు లభించనున్నాయి. ఇప్పటి వరకూ ఏపీఎన్నార్టీ ద్వారా 87 చిన్న కంపెనీలు ఏర్పాటు కాగా, 4610 మందికి ఉపాధి లభించింది. ఇలాఉంటే కన్స్యూమర్ ఎలక్ట్రానిక్స్ తయారీలో ప్రఖ్యాతి గాంచిన టీసీఎల్ కార్యాకలాపాలు త్వరలో తిరుపతిలో ప్రారంభం కానున్నాయి. ముఖ్యమంత్రి చంద్రబాబు నాయుటు చేతుల ఈ నెల 20న భూమి పూజ నిర్వహించనున్నారు. తిరుపతి ఎలక్ట్రానిక్స్
మాన్యుఫాక్చరింగ్ క్లస్టర్ సమీపంలో 158 ఎకరాల్లో ఈ కంపెనీ ఏర్పాటు కానుంది. దీంతో తిరుపతి ఎలక్ట్రానిక్స్ హబ్‌గా మారనుంది. ఏపీలో 2200 కోట్ల రూపాయలను పెట్టుబడిగా పెట్టనుంది. డిసెంబర్ 2019 నాటికి ఉత్పత్తి ప్రారంభించేందుకు లక్ష్యంగా నిర్మాణ పనులను చేపట్టనున్నారు. ఈ కంపెనీ ఏపీకి రావడంలో మంత్రి లోకేష్ కీలక పాత్ర పోషించారు. భారత్‌లో ప్రతి సంవత్సరం 500 బిలియన్ డాలర్ల విలువైన కన్స్యూమర్ ఎలక్ట్రానిక్స్ వ్యాపారం జరుగుతుండగా, అందులో 250 బిలియన్ డాలర్ల కన్స్యూమర్ ఎలక్ట్రానిక్స్ పరికరాలను ఏపీలో తయారు చేసేందుకు లక్ష్యంగా పెట్టుకున్నట్టు టీసీఎల్ కంపెనీ ప్రతినిధులకు వివరించడంలో ఆయన కృతకృత్యులయ్యారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.