రాష్ట్రీయం
తెలుగు వైభవానికి ప్రతీక
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ: ప్రాచీన వైభవం, అధునాతన సాంఘిక అంశాల మేళవింపుతో రాజధాని అమరావతిలో వెల్‌కమ్ గ్యాలరీ రూపుదిద్దుకోనుంది. వాణిజ్య, సమాజ అభివృద్ధి కేంద్రంగా ఈ గ్యాలరీ ఉంటుంది. 5 ఎకరాల విస్తీర్ణంలో ఏర్పాటయ్యే గ్యాలరీ, రాజధానిలో అభివృద్ధిని ఉత్తేజితం చేసేలా ఉంటుంది. సామాజిక కార్యకలాపాలు, వాణిజ్యం, భాగస్వామ్యాలకు మూల కేంద్రంగా ఉంటుంది. ప్రాచీన తెలుగు సంస్కృతి విశిష్టతను, 2300 సంవత్సరాల క్రితం తెలుగు జాతి వైభవాన్ని, స్మృతులను, గుర్తింపును ఈ గ్యాలరీ ప్రతిబింబిస్తుంది. అమరావతి నగర గత వైభవాల వారసత్వ సంపదను స్ఫురణకు తేవడమే కాకుండా భవిష్యత్తు తరాలకు స్ఫూర్తినిచ్చేలా ఈ గ్యాలరీ డిజైన్ ఉంటుంది. ప్రాచీన పురావస్తు స్మృతి చిహ్నాలతో పాటు ప్రస్తుత అధునాతన సాంఘిక అంశాలను ప్రతిబింబించేలా తీర్చిదిద్దుతారు. ఎటు చూసినా పూర్తి పచ్చదనం నిండిన పరిసరాల మధ్య 4800 చదరపు కిలోమీటర్ల బిల్డప్ ఏరియాలో వెల్‌కమ్ గ్యాలరీని నిర్మిస్తారు. ఆంధ్రప్రదేశ్ ఔన్నత్యాన్ని, ఇక్కడి ప్రజల సంస్కృతిని గుర్తు చేసేలా క్యాపిటల్ సిటీ మోడల్ ప్రతిబింబిస్తుంది. కళలు, వినూత్న సాంకేతికత, అర్బన్ సొల్యూషన్లను తెలియచేస్తుంది. కనె్వన్షన్ సెంటర్లు, రిక్రియేషన్ జోన్స్, హెల్త్ క్వార్టర్లు కమ్యూనిటీ ఎంగేజ్‌మెంట్ ఏరియాలో ఉంటాయి. రాజధాని ప్రాంతంలో స్టార్టప్‌లను ప్రొత్సహించే విధంగా కో-వర్కింగ్ స్పేసెస్ ఉంటాయి. వాణిజ్య ప్రోత్సాహక వేదికగా ఈ వెల్‌కమ్ సెంటర్ ఉంటుంది. జాతీయ, అంతర్జాతీయ వాణిజ్య కార్యకలాపాలకు, ప్రదర్శనలకు ఆతిథ్యం ఇచ్చేందుకు అనువుగా ఉంటుంది. సందర్శకులకు అందరికీ వన్‌స్టాప్ ఇన్‌ఫర్మేషన్ సెంటర్ ఉంటుంది. వివిధ కంపెనీల అంతర్జాతీయ సుస్థిర అర్బన్ సొల్యూషన్స్ ప్రచారానికి మూల కేంద్రం అవుతుంది. 2019 అక్టోబర్ చివరి నాటికి ఈ గ్యాలరీ పని చేయడం ప్రారంభిస్తుంది. ఈ గ్యాలరీ సామర్థ్యం రోజుకు 3000 మంది సందర్శకుల వరకూ ఉంటుంది. భవిష్యత్తులో పలు అంతర్జాతీయ ఒప్పందాలకు ఈ గ్యాలరీ గమ్యస్థానం కానుంది. ఈ లక్ష్యంలో భాగంగా అమరావతి డెవలప్‌మెంట్ పార్టనర్ ఇప్పటికే పార్టనర్‌షిప్ ప్రోగ్రామ్ చేపట్టింది. స్టార్టప్స్‌ను, మార్కెట్ లీడర్స్‌ను, అకడమిక్ ఇన్‌ఫ్లుయన్నర్స్‌ను ఒక చోటకు తెచ్చింది. స్మార్ట్ బిల్డింగ్, స్మార్ట్ ఎన్విరాన్‌మెంట్, స్మార్ట్ ఎనర్జీ, స్మార్ట్ కొలాబరేషన్స్ వంటి నాలుగు కీలక ప్రాంతాల్లో వీరిని భాగస్వాములను చేసింది. ప్రపంచ వ్యాప్తంగా ఇప్పటికే దీనిని అద్భుతమైన స్పందన లభించింది. జర్మనీ, జపాన్, సింగపూర్, భారత్ నుంచి 15 కంపెనీలు అవగాహనా ఒప్పందాలను ఏడీపీతో చేసుకున్నాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.