రాష్ట్రీయం
వృద్ధుల ఔదార్యం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 10: కోటి రూపాయల వ్యయంతో నిర్మించిన వృద్ధాశ్రమాన్ని ప్రభుత్వానికి విరాళంగా అప్పజెప్పడానికి యాదాద్రికి చెందిన వృద్ధ దంపతులు ముందుకు వచ్చారు. వృద్ధాశ్రమాన్ని ఏర్పాటు చేసిన మేరెడ్డి సత్యనారాయణరెడ్డి, జానకమ్మ దంపతులు గురువారం తెలంగాణ భవన్‌లో పార్టీ వర్కింగ్ ప్రెసిడెంట్ కల్వకుంట్ల తారకరామారావును కలిసి తమ సంసిద్ధతను వ్యక్తం చేశారు. వృద్ధ దంపతుల దాతృత్వం, సేవా దృక్పథాన్ని ఈ సందర్భంగా కేటీఆర్ ప్రశంసించారు. యాదాద్రి జిల్లా అధికారులతో మాట్లాడి వృద్ధాశ్రమం కొనసాగేలా సహకారం అందించనున్నట్టు వారికి కేటీఆర్ హామీ ఇచ్చారు. వివరాల్లోకి వెళితే... యాదాద్రి జిల్లా చౌటుప్పల్ మండలం కొండూరు గ్రామంలో మేరెడ్డి సత్యనారాయణరెడ్డి జానకమ్మ దంపతులు కోటి రూపాయల వ్యయంతో వృద్ధాశ్రమాన్ని ఏర్పాటు చేశారు. ఎకరంన్నర విస్తీర్ణంలో ఆరు వేల చదరపు అడుగుల భవనాన్ని వీరు తమ సొంత డబ్బులతో నిర్మించారు. అనారోగ్యం కారణంగా భవిష్యత్‌లో వృద్ధాశ్రమాన్ని కొనసాగించడం సాధ్యం కాకపోవచ్చని భావించి దీనిని ప్రభుత్వానికి విరాళంగా అప్పగించాలని నిర్ణయించినట్టు వారు కేటీఆర్‌కు వివరించారు. ప్రభుత్వమే ఈ వృద్ధాశ్రమాన్ని స్వాధీనం చేసుకొని కొనసాగించాలని వారు విజ్ఞప్తి చేశారు. కేటీఆర్ వెంటనే స్పందించి యాదాద్రి కలెక్టర్ అనితా శ్రీనివాసన్‌తో మాట్లాడారు. సేవా దృక్పథంతో ఏర్పాటు చేసిన వృద్ధాశ్రమాన్ని కొనసాగించేందుకు ప్రభుత్వపరంగా సహాయం అందించేందుకు కృషి చేస్తానని కేటీఆర్ హామీ ఇచ్చారు.
చిత్రం..తెలంగాణ భవన్‌లో కేటీఆర్‌ను కలిసిన మేరెడ్డి సత్యనారాయణరెడ్డి, జానకమ్మ దంపతులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.