రాష్ట్రీయం
పవన్ చిలుక పలుకులు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 14: జన సేన అధ్యక్షుడు, సినీ నటుడు పవన్ కల్యాణ్ టీడీపీకి దగ్గరయ్యేందుకు చిలుక పలుకులు పలుకుతున్నారని వైఎస్సార్ కాంగ్రెస్ పార్టీ నాయకుడు సజ్జల రామకృష్ణా రెడ్డి విమర్శించారు. టీడీపీ అధ్యక్షుడు, ఏపీ ముఖ్యమంత్రి చంద్రబాబు నాయుడు కూడా తాజాగా రూట్ మార్చి పవన్‌ను పల్లెత్తు మాట అనకుండా ప్రధాని నరేంద్ర మోదీని, తమ పార్టీని టార్గెట్ చేసి విమర్శిస్తున్నారని సజ్జల సోమవారం విలేఖరుల సమావేశంలో తెలిపారు. సమైక్యాంధ్ర కోసం పోరాటం చేసిన వైఎస్ జగన్మోహన్ రెడ్డిని తెలంగాణలో తిరగనివ్వమని హెచ్చరించిన టీఆర్‌ఎస్ నాయకులే ఇప్పుడు పొగుడుతున్నారని పవన్ కల్యాణ్ ఆదివారం అన్నారని ఆయన చెప్పారు. సమైక్యాంధ్ర కోసం పోరాటం చేసింది గతం అని, రాష్ట్ర విభజన తర్వాత ఆ ప్రస్తావన అవసరం లేదని ఆయన అన్నారు. ఆంధ్ర ప్రదేశ్‌కు ప్రత్యేక హోదా ఇవ్వాలని కేంద్రాన్ని డిమాండ్ చేస్తూ తెలంగాణ రాష్ట్ర ముఖ్యమంత్రి కే. చంద్రశేఖర్ రావు లేఖ ఇస్తామనడం గొప్ప విషయమని ఆయన తెలిపారు. తాను ఏర్పాటు చేయబోయే ఫెడరల్ ఫ్రంట్‌లో వైఎస్సార్ కాంగ్రెస్ పార్టీ కూడా ఉంటుందని తెలంగాణ ముఖ్యమంత్రి కేసీఆర్ చేసిన వ్యాఖ్య గురించి ప్రశ్నించగా, కాంగ్రెస్, బీజేపీలకు వ్యతిరేకంగా మూడో ప్రత్యామ్నాయం ఏర్పాటైతే తాము చేరేందుకు సిద్ధంగా ఉన్నామని అన్నారు. పవన్ కల్యాణ్ తనకు తాను రాజకీయాలకు కొత్త అని చెప్పుకుంటున్నారని, నిజానికి పదేళ్ళుగా రాజకీయాల్లో ఉన్నారని ఆయన చెప్పారు. తనకు ఏమీ తెలియదంటే అది గొప్ప కాదని, అనర్హత అవుతుందన్నారు. పవన్ బస్సు మిస్ అయ్యిందని, విమానంలో ఇంధనం అయిపోయిందని ఆయన వ్యాఖ్యానించారు. ఇప్పుడు మళ్లీ వ్యూహం మార్చారని ఆయన విమర్శించారు.
షర్మిల ఉద్దేశం అది కాదు..
తనపై సోషల్ మీడియాలో దుష్ప్రచారం చేస్తున్న వారిపై హైదరాబాద్ పోలీసు కమిషనర్ అంజనీ కుమార్‌కు ఫిర్యాదు చేసిన షర్మిల ఏపీ పోలీసులపై నమ్మకం లేకే ఇక్కడ ఫిర్యాదు చేశానని చెప్పడంతో ఏపీ పోలీసు సంఘం నిరసన వ్యక్తం చేయడం గురించి ప్రశ్నించగా, పోలీసులను వ్యక్తిగతంగా అనలేదని అన్నారు. ప్రభుత్వంపై నమ్మకం లేదని, కొంత మంది పోలీసు అధికారులు ప్రభుత్వానికి అనుకూలంగా ఉన్నందున షర్మిల ఆ విధంగా వ్యాఖ్యానించారని సజ్జల చెప్పారు.
నవరత్నాలు కాపీ..
తమ పార్టీ అధ్యక్షుడు వైఎస్ జగన్మోహన్ రెడ్డి తాము అధికారంలోకి వస్తే ఏమీ చేస్తామో ప్రజలకు చెప్పేందుకు ప్రకటించిన నవరత్నాలను చంద్రబాబు కాపీ కొట్టారని, అందుకే పెన్షన్ పెంచుతూ నిర్ణయం తీసుకున్నారని సజ్జల విమర్శించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.