రాష్ట్రీయం
ఇక రాహుల్‌దే నిర్ణయం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 17: శాసనసభా కాంగ్రెస్ పక్షం నాయకుడిని (సీఎల్‌పీ) ఎంపిక నిర్ణయాన్ని పార్టీ అధ్యక్షుడు రాహుల్‌గాంధీకి అప్పగిస్తూ పార్టీ ఎమ్మెల్యేలు, ఎమ్మెల్సీలు ఏకవాక్య తీర్మానం చేశారు. పార్టీ అధ్యక్షుడు రాహుల్‌గాంధీ తీసుకునే నిర్ణయానికి కట్టుబడి ఉంటామని ఎమ్మెల్యేలు, ఎమ్మెల్సీలు స్పష్టం చేశారు. సీఎల్‌పీ నాయకుడి ఎంపికపై పార్టీ ఎమ్మెల్యేలు, ఎమ్మెల్సీల అభిప్రాయాన్ని తెలుసుకోవడానికి ఏఐసీసీ ప్రధాన కార్యదర్శి కేసీ వేణుగోపాల్ హైదరాబాద్‌కు వచ్చిన విషయం తెలిసిందే. శాసనసభ ప్రారంభానికి ముందు గురువారం కాంగ్రెస్ ఎమ్మెల్యేలు, ఎమ్మెల్సీలతో పార్టీ పరిశీలకుడు వేణుగోపాల్, రాష్ట్ర వ్యవహారాల ఇంచార్జీ ఆర్‌సి కుంతియా, టీపీసీసీ అధ్యక్షుడు ఉత్తమ్‌కుమార్‌రెడ్డి సమావేశమయ్యారు. పార్టీకి చెందిన 19 మంది ఎమ్మెల్యేలు, ఇద్దరు ఎమ్మెల్సీలతో పార్టీ పరిశీలకుడు వేణుగోపాల్ విడివిగా సీఎల్‌పీ నేతగా ఎవరుండాలనే అంశంపై అభిప్రాయాలను సేకరించారు. సీఎల్‌పీ నేతగా తమకు అవకాశం ఇవ్వాలని ఎల్‌బి నగర్ ఎమ్మెల్యే సుధీర్‌రెడ్డి, నల్లగొండ జిల్లా మునుగోడు ఎమ్మెల్యే కోమటిరెడ్డి రాజగోపాల్‌రెడ్డి, సంగారెడ్డి ఎమ్మెల్యే జగ్గారెడ్డి పార్టీ పరిశీలకునిగా విజ్ఞప్తి చేశారు. అలాగే పార్టీ అధిష్టానం ఏ నిర్ణయం తీసుకున్నా తాము కట్టుబడి ఉంటామని వారు స్పష్టం చేసినట్టు సమాచారం. అలాగే మిగతా ఎమ్మెల్యేలు, ఎమ్మెల్సీలు కూడా పార్టీ అధ్యక్షుడు రాహుల్‌గాంధీ ఏ నిర్ణయం తీసుకున్నా కట్టుబడి ఉంటామని విడివిడిగా, ఉమ్మడిగా పార్టీ పరిశీలకునిగా స్పష్టం చేశారు. అనంతరం ఇదే విషయాన్ని శాసనసభ మీడియా పాయింట్ వద్ద ఏఐసీసీ పరిశీలకుడు వేణుగోపాల్ మీడియాకు తెలిపారు. తమ పార్టీ సభ్యులంతా సీఎల్‌పీ నాయకుడి ఎన్నిక నిర్ణయాన్ని పార్టీ అధినేత రాహుల్‌గాంధీకి అప్పగిస్తూ ఏక వ్యాఖ్య తీర్మానం చేశారని ఆయన తెలిపారు. ఈ తీర్మానాన్ని పార్టీ అధిష్ఠానంకు తెలియజేయనున్నట్టు వివరించారు.
చిత్రం..హైదరాబాద్‌లో విలేఖరులతో మాట్లాడుతున్న ఏఐసీసీ ప్రధాన కార్యదర్శి వేణుగోపాల్, కుంతియా, ఉత్తమ్ తదితరులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.