రాష్ట్రీయం
తొలి విడత పోలింగ్ నేడు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: తెలంగాణ గ్రామ పంచాయతీల ఎన్నికలకు సంబంధించి తొలివిడత పోలింగ్ సోమవారం జరుగుతోంది. మొత్తం 4,479 పంచాయతీల ఎన్నికలకోసం రిటర్నింగ్ అధికారులు ఈ నెల 7న నోటీస్ జారీచేశారు. నామినేషన్ల దాఖలు, ఉపసంహరణ, ప్రచారం తర్వాత సోమవారం పోలింగ్ నిర్వహిస్తున్నారు. అయితే 4,479 పంచాయతీల్లో 769 సర్పంచ్‌లు ఏకగ్రీవంగా ఎన్నికయ్యారు. మరో తొమ్మిది సర్పంచ్ స్థానాలకు కోర్టు కేసులు, ఇతర కారణాల వల్ల ఎన్నికలు జరగడం లేదు. ఎన్నికలు జరుగుతున్న 3,701 గ్రామ పంచాయతీలకు 12,202 మంది అభ్యర్థులు పోటీలో ఉన్నారు. ఇలా ఉండగా రాష్ట్ర వ్యాప్తంగా 39,822 వార్డు సభ్యుల స్థానాలకు నామినేషన్ల పర్వం ముగిసిన తర్వాత 10,654 వార్డుస్థానాలకు ఏకగ్రీవంగా ఎన్నిక జరిగినట్టు ఇప్పటికే అధికారికంగా ప్రకటించారు. 192 వార్డు సభ్యుల స్థానాలకు వివిధ కారణాల వల్ల ఎన్నికలు జరగడం లేదు. సోమవారం పోలింగ్ జరిగే 28,976 వార్డు సభ్యుల స్థానాలకు 70,094 మంది అభ్యర్థులు రంగంలో ఉన్నారు. పోలింగ్ సోమవారం ఉదయం ఏడు గంటలకు ప్రారంభమై మధ్యాహ్నం ఒంటి గంట వరకు కొనసాగుతుంది. పోలింగ్ పూర్తయిన వెంటనే కౌంటింగ్ ప్రారంభమవుతుంది. విజయం సాధించిన సర్పంచ్, వార్డు సభ్యులను సమావేశపరుస్తారు. వీరు ఉపసర్పంచ్‌ను ఎన్నుకుంటారు. పోలింగ్‌కోసం 1,48,033 మంది సిబ్బందిని వినియోగిస్తున్నట్టు
రాష్ట్ర ఎన్నికల కమిషన్ ప్రకటించింది. దాదాపు 26 వేల మంది పోలీసులు బందోబస్తు డ్యూటీలో ఉంటారు. ఇప్పటికే పోలింగ్ కేంద్రాలకు సిబ్బంది చేరారు. బ్యాలెట్ పేపర్లు, బ్యాలెట్ బాక్సులను తీసుకుని వెళ్లిన సిబ్బందికి పోలీసు అధికారులు పూర్తి రక్షణ ఏర్పాటు చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.