రాష్ట్రీయం
ఉంటే ఉండండి.. పోతే పొండి!
S ,7 à 8 RSCA (si SASPAS) et 6 cialis pharmacie cialis rapports de stage.
రాజంపేట, జనవరి 20 :‘‘టీడీపీలో ఉండాలనుకుంటే ఉండండి.. పోవాలనుకుంటే పోండి.. అంతేకాని ఈ బూటకాలెందుకు..’’ అని మంత్రి ఆదినారాయణరెడ్డి, పార్టీ జిల్లా అధ్యక్షుడు ఆర్.శ్రీనివాసులురెడ్డి విప్ మేడా వెంకట మల్లికార్జునరెడ్డికి అల్టిమేటం జారీ చేశారు. కడప జిల్లా రాజంపేట పట్టణంలోని ఆర్‌అండ్‌బీ అతిథి గృహంలో ఆదివారం వారు విలేఖరుల సమావేశంలో మాట్లాడుతూ మేడా తీరుపై తీవ్రస్థాయిలో ధ్వజమెత్తారు. సమావేశంలో కొందరి చేత అల్లర్లు చేయించినంత మాత్రాన ఇక్కడ ఎవరూ భయపడేవారు లేరన్నారు. పార్టీ మారాలనుకుంటే హుందాగా బయటకు వెళ్లిపోవాలి తప్ప సమావేశాల్లో అల్లర్లు సృష్టించేలా ప్రయత్నించకూడదన్నారు. గత ఆరేడు నెలలుగా మేడా వ్యవహారశైలితో పాటు పార్టీ మారతారంటూ ఆరోపణలు వస్తున్నాయన్నారు. దీనిపై పార్టీ అధిష్ఠానం, తాము, రాజ్యసభ సభ్యులు సీఎం రమేష్ ఈ ఆరోపణలకు తెరదించేలా గట్టిగా ఖండించాలని పలుమార్లు మేడాను కోరినా ఫలితం లేదన్నారు. ఈ నెల 17వ తేదీ మేడాను స్వయంగా తీసుకురమ్మని సీఎం చంద్రబాబు తమను కోరారని, అలాగే పార్టీ అధిష్ఠానంలో సన్నిహితంగా ఉండే ఓ నేత కూడా మేడాకు ఫోన్ చేసి రమ్మని చెప్పారన్నారు. ఈ మేరకు అతడు వెళ్లేందుకు విమానం టికెట్ కూడా బుక్ అయిందని, అయితే మేడా తొలుత వస్తానని చెప్పి ఆ తర్వాత పని ఉంది రాలేనని చెప్పడం దేనికి సంకేతమని వారు ప్రశ్నించారు. మీడియా సమావేశం ఉన్న విషయంపై కూడా మేడాకి తెలిపామని, అయినా ఆయన తనకు ఆహ్వానం లేదంటూ బుకాయించడం శోచనీయమన్నారు. ఎన్టీఆర్ వర్ధంతి రోజున ఇక్కడ ఎన్టీఆర్ విగ్రహానికి పూలమాల వేసి నివాళులర్పించి ఆ తర్వాత కడపకు వెళ్లి అక్కడ ఇతర పార్టీల నేతలతో మంతనాలు జరపడం లాంటి చర్యలు పార్టీ వ్యతిరేక చర్యల కిందకు రావా? అని ప్రశ్నించారు. మేడా తండ్రి మేడా రామక్రిష్ణారెడ్డికి టీడీపీ తిరుమల తిరుపతి దేవస్థానం సభ్యుడిగా అవకాశం కల్పించడంతో పాటు మొదటిసారి గెలిచినప్పటికీ మేడాకి విప్ పదవి కట్టబెట్టి ప్రాధాన్యత కల్పించిందన్నారు. నియోజకవర్గంలో పార్టీ సభ్యత్వ నమోదు కార్యక్రమం కూడా గతంలో కంటే తక్కువగా చేశారన్నారు. ఈ పరిస్థితిలో మేడాను ఎలా నమ్మాలని, అందుకే పార్టీ తరఫున వివరణ ఇచ్చేందుకు ఈ సమావేశం ఏర్పాటుచేశామన్నారు. కాగా నెల 22వ తేదీ అమరావతిలో సీఎం చంద్రబాబు సమక్షంలో జరగనున్న రాజంపేట నియోజకవర్గ స్థాయి సమావేశానికి పార్టీ కుటుంబ సభ్యులంతా హాజరవ్వచ్చన్నారు.
చిత్రం..ఆర్‌అండ్‌బీ అతిథి గృహంలో మాట్లాడుతున్న మంత్రి ఆదినారాయణరెడ్డి, పార్టీ జిల్లా అధ్యక్షుడు ఆర్.శ్రీనివాసులురెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.