రాష్ట్రీయం
తొలి విడతలో 85 శాతం పోలింగ్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: తెలంగాణ రాష్ట్రంలో గ్రామ పంచాయతీ ఎన్నికలకు సంబంధించి తొలివిడత పోలింగ్ సోమవారం విజయవంతంగా ముగిసింది. హైదరాబాద్ మినహాయిస్తే మిగతా 30 జిల్లాల్లో సరాసరిన 85 శాతం ఓట్లు పోలయ్యాయి. రాష్ట్ర ఎన్నికల కమిషన్ జారీ చేసిన వివరాల ప్రకారం యాదాద్రి భువనగిరి జిల్లాలో అత్యధికంగా 95.32 శాతం ఓట్లు పోలయ్యాయి. అతితక్కువగా ఓట్లు పోలయిన జిల్లాగా వికారాబాద్ పేరుతెచ్చుకుంది. ఈ జిల్లాలో 68.25 శాతం ఓట్లు మాత్రమే పోలయ్యాయి. హైదరాబాద్ చుట్టూ రియల్‌ఎస్టేట్ వ్యాపారం బాగా ఉన్న ప్రాంతాల్లోని గ్రామపంచాయతీల్లో పోలింగ్ శాతం భారీగా
ఉంది. దాదాపు 150 పైగా గ్రామాల్లో 85 శాతం నుండి 90 శాతం ఓట్లు పోలయినట్టు సమాచారం అందింది.
సోమవారం ఉదయం ఏడుగంటలకు ప్రారంభమైన పోలింగ్ మధ్యాహ్నం ఒంటిగంటకు ముగిసింది. పోలింగ్ పూర్తయిన తర్వాత చాలా గ్రామాల్లో మధ్యాహ్నం మూడు గంటల నుండే కౌంటింగ్ ప్రారంభించారు. చాలా వరకు సాయంత్రం ఏడుగంటల వరకే కౌంటింగ్ ముగిసింది.
తొలివిడతలో మొత్తం 4,479 గ్రామ పంచాయతీలకు ఎన్నికలు నిర్వహించేందుకు రిటర్నింగ్ అధికారులు నోటీస్ ఇవ్వగా, 769 పంచాయతీల సర్పంచ్‌లు ఏకగ్రీవంగా ఎన్నికయ్యారు. తొమ్మిది పంచాయతీ సర్పంచ్ స్థానాలకు న్యాయపరమైన తదితర కారణాల వల్ల ఎన్నికలు జరగలేదు. మిగతా 3,701 గ్రామపంచాయతీలకు సోమవారం పోలింగ్ జరిగింది. ఈ స్థానాలకు 12,202 మంది పోటీ పడ్డారు. అలాగే తొలివిడతలో 39,822 వార్డు సభ్యుల స్థానాలకు ఎన్నికలకు నోటీస్ ఇవ్వగా, 10,654 వార్డులకు ఏకగ్రీవంగా ఎన్నికలు జరిగాయి. మరో 194 వార్డులకు న్యాయపరమైన తదితర కారణాల వల్ల ఎన్నికలు జరగలేదు. మిగతా 28,974 వార్డు స్థానాలకు జరిగిన ఎన్నికలకు 70,094 మంది అభ్యర్థులు పోటీపడ్డారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.