రాష్ట్రీయం
నెలాఖరులోగా ఎంపీ అభ్యర్థుల ఖరారు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: పార్లమెంట్‌కు పోటీ చేయబోయే అభ్యర్థుల జాబితాను ఈ నెలాఖరకల్లా ప్రకటిస్తారని శాసనసభా కాంగ్రెస్ పక్షం నాయకుడు భట్టి విక్రమార్క తెలిపారు. ఎంపీ స్థానాలకు పోటీకి ఆసక్తిగల అభ్యర్థుల నుంచి దరఖాస్తులను ఆహ్వానించగా పెద్దమొత్తంలో వచ్చాయన్నారు. పోటీకి ఎక్కువ మంది ఆసక్తికనబర్చడమంటే ప్రజల్లో కాంగ్రెస్ పట్ల ప్రజలకు ఆదరణ తగ్గలేదన్నదానికి నిదర్శనమన్నారు. గాంధీభవన్‌లో సోమవారం భట్టి విక్రమార్క మీడియాతో మాట్లాడుతూ, పార్లమెంట్ ఎన్నికలకు రాష్ట్రంలో ఇతర పార్టీలతో పొత్తు ఉంటుందా? లేదా? అనేది కూడా నెలాఖరకల్లా స్పష్టత వస్తుందన్నారు. శాసనసభ ఎన్నికల్లో భావ సరూప్యత కలిగిన పార్టీలతో కలిసి పోటీ చేసినట్టు పార్లమెంట్ ఎన్నికల్లో కూడా కలిసి పోటీ చేయాలా? వద్దా? అనేది రాష్ట్ర నాయకులు విస్తృతంగా చర్చించి అధిష్టానానికి తెలియజేస్తామన్నారు. ఎర్రజొన్న, పసుపు రైతులు ఆందోనలు చేస్తోన్న ప్రభుత్వానికి పట్టడం లేదని భట్టి విక్రమార్క విమర్శించారు. ఎర్రజొన్నలను కొనుగోలు చేశామని ప్రభుత్వం చెబుతున్నది పచ్చి అబద్దమని ఆరోపించారు. ప్రభుత్వ నిర్లక్ష్యం వల్ల దళారులు రైతులను దారుణంగా మోసం చేస్తున్నారని ఆందోళన వ్యక్తం చేశారు. ఎర్రజొన్నకు మూడు వేల మద్దతు ధర ప్రకటించి రైతుల నుంచి ప్రభుత్వమే కొనుగోలు చేయాలని డిమాండ్ చేశారు. నిజామాబాద్‌లో పసుపు బోర్డు పెట్టిస్తామన్న ఎంపీ కవిత హామీ ఏమైందని ఆయన ప్రశ్నించారు. పసుపు పండించిన రైతులను నుంచి కొనుగోలు చేసేవారేలేరన్నారు. క్వింటాల్‌కు 10 వేల రూపాయల చొప్పున ప్రభుత్వమే పసుపు కొనాలని భట్టి డిమాండ్ చేశారు. ప్రభుత్వ వైఖరి వల్ల రైతాంగం తీవ్ర ఆందోళన చెందుతుందని, రైతుల పక్షాన నిలబడి ప్రభుత్వంతో పోరాడటానికి సీఎల్పీ సిద్దంగా ఉందని భట్టి హెచ్చరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.