రాష్ట్రీయం
మార్చి 12న ఎమ్మెల్సీ ఎన్నికలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: ఆంధ్రప్రదేశ్, తెలంగాణ రాష్ట్రాల్లో మార్చి నెలాఖరుతో పదవీకాలం ముగియనున్న శాసనమండలి స్థానాల భర్తీకి కేంద్ర ఎన్నికల సంఘం (సీఈసీ) నగారా మోగించింది. రెండు తెలుగు రాష్ట్రాల్లో ఐదేసి స్థానాలకు నిర్వహించనున్న ఎన్నికల షెడ్యూల్‌ను కేంద్ర ఎన్నికల సంఘం సోమవారం ప్రకటించింది. ఇరు రాష్ట్రాల్లోనూ మార్చి 12న ఎన్నికలు నిర్వహించి అదే రోజు ఫలితాలు ప్రకటించనున్న షెడ్యూల్‌లో పేర్కొన్నారు. దీనికి సంబంధించిన ఎన్నికల నోటిఫికేషన్ ఈ నెల 21న విడుదల చేయనున్నట్టు సీఈసీ పేర్కొంది. ఎన్నికల నోటిఫికేషన్ విడుదలయ్యే ఫిబ్రవరి 21 నుంచే నామినేషన్ల దాఖలు ప్రక్రియ ప్రారంభమై 28న ముగుస్తుందని పేర్కొన్నారు. మార్చి ఒకటిన నామినేషన్ల పరిశీలన, నామినేషన్ల ఉపసంహరణకు గడువు మార్చి 5. 12న ఉదయం 9 గంటల నుంచి సాయంత్రం 4 గంటలకు వరకు పోలింగ్ నిర్వహించి అదే రోజు సాయంత్రం 5 గంటలకు ఓట్ల లెక్కించి ఫలితాల ప్రకటన ఉంటుందని షెడ్యూల్‌లో పేర్కొన్నారు. రెండు రాష్ట్రాల్లో ఖాళీ అయ్యే ఎమ్మెల్సీ స్థానాల భర్తీకి నిర్వహించే ఎన్నికల ప్రక్రియ మార్చి 15 నాటికి ముగుస్తుందని సీఈసీ పేర్కొంది.
ఆంధ్రప్రదేశ్ శాసనమండలిలో ఆర్థిక మంత్రి యనమల రామకృష్ణుడు, మంత్రి పి నారాయణ, లక్ష్మీ శివకుమారి, పి శమంతకమణి, ఆదిరెడ్డి అప్పారావుల పదవీ కాలం కూడా మార్చి 29న ముగియనుంది. అలాగే తెలంగాణ శాసనమండలిలో కాంగ్రెస్ పార్టీకి చెందిన షబ్బీర్ అలీ, పొంగులేటి సుధాకర్‌రెడ్డి, టీఆర్‌ఎస్ పార్టీకి చెందిన హోంమంత్రి మహమూద్ అలీ, తిరువరగం సంతోష్‌కుమార్, మహ్మద్ సలీంల పదవీ కాలం మార్చి 29న ముగియనుంది. రెండు రాష్ట్రాల్లో ఖాళీ అయ్యే ఎమ్మెల్సీ స్థానాలకు ఉమ్మడి ఆంధ్రప్రదేశ్ రాష్ట్రంలోనే ఎన్నికలు జరుగగా, వీరి పదవీకాలం రాష్ట్ర విభజన తర్వాత ముగిసింది.
చిత్రాలు.. పి నారాయణ *లక్ష్మీ శివకుమారి *యనమల రామకృష్ణుడు *పి శమంతకమణి *ఆదిరెడ్డి అప్పారావు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.