రాష్ట్రీయం
విశాఖలో వరల్డ్ ఓషన్ సైన్స్ కాంగ్రెస్
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, ఫిబ్రవరి 18: విశాఖ ఆంధ్రా విశ్వవిద్యాలయం వేదికగా రెండో వరల్డ్ ఓషన్ సైన్స్ కాంగ్రెస్ నిర్వహించనున్నట్టు వైస్‌ఛాన్స్‌లర్ ప్రొఫెసర్ జీ నాగేశ్వర రావు తెలిపారు. ఏయూ లో సోమవారం ఏర్పాటు చేసిన విలేఖరుల సమావేశంలో ఆయన మాట్లాడారు. విజ్ఞాన భా రతితో కలిసి ఏయూ ఈ నెల 15 నుంచి మూడు రోజుల పాటు రెండో వరల్డ్ ఓషన్ సైన్స్ కాంగ్రెస్ నిర్వహిస్తున్నట్టు వెల్లడించారు. సదస్సును తూర్పుతీరంలోని విశాఖ నిర్వహించనున్నారన్నా రు. మూడు రోజుల పాటు జరిగే ఈ సదస్సులో నాలుగు టెక్నికల్ సదస్సులు, నాలుగు పేనల్ సెషన్స్, ఉంటాయన్నారు. అలాగే ప్రత్యేకంగా ఒక రోజు ఫిషర్‌మెన్ మీట్‌ను నిర్వహిస్తున్నారన్నారు. సదస్సుకు ప్రపంచ వ్యాప్తంగా 20 దేశాల నుంచి ప్రతినిధులు, నిపుణులు హాజరుకానున్నారన్నారు. సదస్సులో 1000 మంది డెలిగేట్స్, 10 మంది అంతర్జాతీయ శాస్తవ్రేత్తలు, భారత్‌లో నిపుణులైన శాస్తవ్రేత్తలు పాల్గొంటారన్నారు. వేటలో అనుసరించాల్సిన సాంకేతిక పరిజ్ఞానం, పద్దతులు, మత్స సంపద సృష్టి, పెరుగుదలపై నిపుణుల ప్రసంగాలుంటాయన్నారు. ఈ కార్యక్రమానికి ఇన్‌కాయిస్ సంస్థ సహకారం అందిస్తుందని, సు మారు 250 మంది మత్స్యకారులు దీనిలో పా ల్గొంటారన్నారు. సదస్సులో భాగం గా చివరి రోజున స్టూడెంట్స్ మీట్ ఏర్పాటు చేశామన్నారు. వివిధ కళాశాలల నుంచి 300 మంది విద్యార్థులు పాల్గొంటారని పేర్కొన్నారు. అలాగే ఓషన్ సైన్స్ ఎక్స్‌పో ఉంటుందని, డీఆర్‌డీఓ, సీఎస్‌ఐఆర్, ఎన్‌ఐఓ, హిందుస్థాన్ షిప్‌యార్డ్, కొచ్చి షిప్‌యార్డ్‌ల నుంచి ప్రతినిధులు పాల్గొంటారన్నారు. డీఆర్‌డీఓ చైర్మన్ సంతోష్‌రెడ్డి పాల్గొంటారన్నారు. సమావేశ మందిరం వద్ద షిఫ్ ఫుడ్ ఫెస్టివల్ ఏర్పాటు చేయనున్నట్టు తెలిపారు. సదస్సు లో భాగంగా తీరప్రాంత పర్యాటకం, ఓషన్‌సైన్స్ టెక్నాలజీ, తదితర అంశాలపై నిపుణులు ప్రసంగిస్తారన్నారు. సమావేశంలో వర్శిటీ రిజిస్ట్రార్ ప్రొ ఫెసర్ కే నిరంజన్, విజ్ఞాన భారతి ఆర్గనైజింగ్ కార్యదర్శి జయంత్ సహస్రబుద్దే, ఆచార్య ఎస్‌ఎస్‌వీఎస్ రామకృష్ణ తదితరులు పాల్గొన్నారు.
చిత్రం.. వరల్డ్ ఓషన్ సైన్స్ కాంగ్రెస్ ఆహ్వాన పత్రాన్ని విడుదల చేస్తున్న ఏయూ వీసీ ప్రొ. నాగేశ్వర రావు, చిత్రంలో విజ్ఞాన భారతి కార్యదర్శి జయంత్ సహస్రబుదే తదితరులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.