రాష్ట్రీయం
సైబర్ నేరగాళ్ల ఆటలను అడ్డుకుంటాం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 2: ఆంధ్ర రాష్ట్రంలో సైబర్, ఆర్ధిక నేరాలపై ఉక్కుపాదం మోపుతామని, టెక్నాలజీని అడ్డుపెట్టుకుని ఘరానా మోసాలకు పాల్పడే వ్యక్తులు, ముఠాలను వదిలిపెట్టే ప్రసక్తి లేదని రాష్ట్ర డిజిపి జెవి రాముడు హెచ్చరించారు. సైబర్ నేరాలను అరికట్టే ముందు రాష్ట్రంలోని పోలీసు కానిస్టేబుళ్ల మొదలుకుని ఉన్నత పోలీసు అధికారుల వరకు సైబర్ నేరాలపై స్పష్టమైన అవగాహన కలిగి ఉండేందుకు విస్తృత స్ధాయిలో శిక్షణ ఇస్తున్నామన్నారు. భవిష్యత్తులో ఇంటర్నెట్ ఆధారిత నేరాలే పెనుసవాళ్లు విసురుతాయని ఆయన అన్నారు. బుధవారం ఇక్కడ ఆంధ్రప్రదేశ్ సిఐడి కార్యాలయంలో సైబర్ క్రైమ్స్ విభాగం కేడెట్ ఎస్సైలకు నిర్వహిస్తున్న నాలుగు రోజుల శిక్షణ కార్యక్రమాన్ని ఆయన ప్రారంభించారు. ఈ కార్యక్రమంలో సిఐడి చీఫ్ ద్వారకా తిరుమలరావు పాల్గొన్నారు. ఈ సందర్భంగా డిజిపి జెవి రాముడు మాట్లాడుతూ ఆంధ్రాలో భవిష్యత్తులో పోలీసు వ్యవస్ధకు ఎదురయ్యే సైబర్ నేరాలను అరికట్టేందుకు ఒక బృహత్తర కార్యాచరణ ప్రణాళికను ఖరారు చేయనున్నట్లు తెలిపారు.
ఈ నేరాలను సమర్ధంగా ఎదుర్కొనేందుకు పోలీసులు సమాయత్తం కావాలన్నారు. కొత్తగా శిక్షణలో చేరిన అధికారులందరికీ సైబర్ నేరాలపై అవగాహన, పరిశోధన నైపుణ్యం ఉండే విధంగా చర్యలు తీసుకోవాలన్నారు. సామాజిక మాద్యమాలైన ఫేస్‌బుక్, ట్విట్టర్, వాట్సప్ వంటివి వేదికగా జరుగుతున్న వేధింపులు, నేరాలపై అవగాహన, పరిశోధన కూడా ఈ శిక్షణలో భాగంగా చేశామన్నారు. కంప్యూటర్, సెల్‌ఫోన్ వంటి సాధనాలు వాడి ఏదైనా నేరం చేసినప్పుడు ఆధారాలు ముఖ్యమని, వీటిని సేకరించి భద్రపరచాలన్నారు. పోలీసులు విధి నిర్వహణలో ఎటువంటి తడబాటులేకుండా సైబర్ నేరాలను పరిశోధించేందుకు వీలుగా శిక్షణ కార్యక్రమాన్ని రూపొందించామన్నారు.
యువ అధికారులు పోలీసు స్టేషన్ల పరిధిలో ప్రజలకు సైబర్ నేరాలపై ప్రజలకు అవగాహన కల్పించాలని, దీని గురించి విస్తృత ప్రచారం చేయాలన్నారు. ఆర్ధిక నేరగాళ్లను వదిలిపెట్టే ప్రసక్తిలేదన్నారు. వీరి వల్ల రాష్ట్ర ఖజానాకు భారీ నష్టం వాటిల్లుతుందన్నారు. రాజకీయాలతో సంబంధంలేకుండా ఆర్ధిక, అటవీ సంపదను దొంగిలించే నేరగాళ్ల కదలికలపై డేగ కన్ను వేసి ఉంచాలని, వీరిని పట్టుకుని చట్టం ముందు బోనులో నిలబెట్టాలన్నారు. ఆర్ధిక, సైబర్ నేరగాళ్ల విషయంలో ఆధారాలు భద్రపరచడం ముఖ్యమని ఆయన హితవు చెప్పారు. ఆర్ధిక, సైబర్ నేరాల తీరును సిఐడి చీఫ్ ద్వారకా తిరుమల రావు వివరించారు. ఈ కార్యక్రమంలో సైబర్ క్రైమ్స్ ఐజి పివి సునీల్ కుమార్, శిక్షణ విభాగం ఐజి అతుల్ సింగ్, ఎస్‌పి కాంతి రతన్ టాటా పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.