రాష్ట్రీయం
మల్కాజిగిరిలో మద్దతు ఇవ్వండి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: ‘మల్కాజిగిరి లోక్‌సభ నుంచి పోటీ చేస్తున్న నాకు మద్దతు ఇవ్వండి’ అని తెలంగాణ జన సమితి (టీజేఎస్) అధ్యక్షుడు ప్రొఫెసర్ కోదండరామ్‌ను పీసీసీ వర్కింగ్ ప్రెసిడెంట్, మాజీ ఎమ్మెల్యే రేవంత్ రెడ్డి కోరారు. సోమవారం తార్నాకలోని కోదండరామ్ నివాసానికి వెళ్లిన ఆయన తనకు మద్దతు ఇవ్వాలని కోరారు. ఈ సందర్భంగా ఇరువురూ తాజా రాజకీయ పరిణామాలపై సుదీర్ఘంగా మంతనాలు జరిపారు. సమావేశానంతరం కోదండరామ్ మీడియాతో మాట్లాడుతూ, ఎన్నికల్లో మద్దతునివ్వాల్సిందిగా రేవంత్ రెడ్డి తనను కోరారని చెప్పారు. అయితే, ఈ విషయంలో తాను ఏకపక్షంగా నిర్ణయం తీసుకోలేనని, తమ పార్టీ కార్యవర్గ సమావేశంలో చర్చించి నిర్ణయం తీసుకుంటామని ఆయనకు తెలిపానని అన్నారు. తమ పార్టీ లోక్‌సభ ఎన్నికల్లో రెండు, మూడు స్థానాల్లో పోటీ చేయాలని భావిస్తున్నట్టు చెప్పారు. రేవంత్ రెడ్డి మాట్లాడుతూ తెలంగాణ ఉద్యమ సమయంలో క్రియాశీలంగా వ్యవహరించిన కోదండరామ్ మద్దతు కోరాననీ, అదే విధంగా ఆయన నుంచి సలహాలు, సూచనలు తీసుకుంటున్నానని చెప్పారు. మజ్లిస్ ఎంపీ మద్దతుతో పాటు టీఆర్‌ఎస్‌లోకి ఫిరాయించిన వారితో కలిపి మొత్తం 16 మంది ఎంపీలు 60 నెలలుగా ఉన్నప్పటికీ తెలంగాణ రాష్ట్రానికి ఏమి సాధించారో చెప్పాలని ఆయన డిమాండ్ చేశారు. లోగడ కేంద్రంలో యుపీఏ అధికారంలో ఉన్నప్పుడు హైదరాబాద్‌కు ఐటీఐఆర్ ప్రకటించిందని ఆయన గుర్తు చేశారు. విభజన చట్టంలోనూ రాష్ట్రానికి సంబంధించిన పలు అంశాలను యుపీఏ పొందుపరచడం జరిగిందన్నారు. ఆ హామీలన్నీ అమలు కావాలంటే కేంద్రంలో తిరిగి కాంగ్రెస్ అధికారంలోకి రావాల్సి ఉంటుందని అన్నారు. టీఆర్‌ఎస్ అధ్యక్షుడు, ముఖ్యమంత్రి కే. చంద్రశేఖర్ రావు జాతీయ పార్టీని స్థాపిస్తామని చెప్పడం గురించి ప్రశ్నించగా, లోక్‌సభ ఎన్నికలు పూర్తయిన తర్వాత పార్టీని నెలకొల్పితే ఫలితం ఏమిటని రేవంత్ ప్రశ్నించారు.
చిత్రం.. విలేఖరులతో మాట్లాడుతున్న రేవంత్ రెడ్డి, తెలంగాణ జన సమితి (టీజేఎస్) అధ్యక్షుడు కోదండరామ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.