రాష్ట్రీయం
వలసల పర్వం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 20: కాంగ్రెస్ నుంచి టీఆర్‌ఎస్‌లోకి వలసల పర్వం కొనసాగుతూనే ఉంది. తాజాగా కాంగ్రెస్ పార్టీకి చెందిన మరో ఎమ్మెల్యే కూడా టీఆర్‌ఎస్‌లో చేరబోతున్నట్టు ప్రకటించారు. ఉమ్మడి మహబూబ్‌నగర్ జిల్లా కొల్లాపూర్ ఎమ్మెల్యే బీరం హర్షవర్ధన్‌రెడ్డి బుధవారం టీఆర్‌ఎస్ వర్కింగ్ ప్రెసిడెంట్ కల్వకుంట్ల తారకరామారావును కలిసి ఆ పార్టీలో చేరడానికి సంసిద్ధతను వ్యక్తం చేశారు. అవసరమైతే ఎమ్మెల్యేగా గెలిచిన కాంగ్రెస్ పార్టీతోపాటు పదవికి కూడా రాజీనామా చేసి, టీఆర్‌ఎస్ తరఫున తిరిగి ఎమ్మెల్యేగా పోటీ చేయడానికైనా సిద్ధమేనని హర్షవర్ధన్‌రెడ్డి ప్రకటించారు. దీంతో కాంగ్రెస్ నుంచి టీఆర్‌ఎస్‌లో చేరబోతున్న ఎమ్మెల్యేల సంఖ్య 8కి చేరింది. కాంగ్రెస్ ఎమ్మెల్యేలు ఆత్రం సక్కు, రేగా కాంతారావు, చిరుమర్తి లింగయ్య, హరిప్రియా నాయక్, సబితా ఇంద్రారెడ్డి, కందాళ ఉపేందర్‌రెడ్డి, వనమా వెంకటేశ్వర్‌రావు, బీరం హర్షవర్ధన్‌రెడ్డి ఇప్పటికే టీఆర్‌ఎస్‌లో చేరబోతున్నట్టు ప్రకటించారు. కాగా, తెలంగాణ రాష్ట్రం ఏర్పడిన తర్వాత ముఖ్యమంత్రి కేసీఆర్ నాయకత్వంలో ఉమ్మడి మహబూబ్‌నగర్ జిల్లాలో గతంలో ఎన్నడూ లేనంతంగా అభివృద్ధి చెందిందని హర్షవర్ధన్‌రెడ్డి అన్నారు. కొల్లాపూర్ నియోజకవర్గ సమస్యలను పరిష్కరిస్తారన్న నమ్మకంతోనే తనను ఎమ్మెల్యేగా గెలిపించారని హర్షవర్ధన్‌రెడ్డి పేర్కొన్నారు. నియోజకవర్గం అభివృద్ధి లక్ష్యంగా సీఎం కేసీఆర్ దృష్టికి తీసుకెళ్లిగా సానుకూలంగా స్పందించారన్నారు. సీఎంపై నమ్మకం, నియోజకవర్గ అభివృద్ధిని దృష్టిలో పెట్టుకుని ప్రజలు, పార్టీ కార్యకర్తలతో చర్చించాకే టీఆర్‌ఎస్‌లో చేరాలని నిర్ణయం తీసుకున్నట్టు హర్షవర్ధన్‌రెడ్డి ప్రకటించారు.
చిత్రం.. కేటీఆర్‌ను కలిసిన కొల్లాపూర్ ఎమ్మెల్యే బీరం హర్షవర్ధన్‌రెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.