రాష్ట్రీయం
29 నుంచి కేసీఆర్ సభలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: పార్లమెంట్ ఎన్నికల ప్రచారానికి ఇప్పటికే కరీంనగర్, నిజామాబాద్ బహిరంగ సభలతో శంఖారావం పూరించిన టీఆర్‌ఎస్ అధినేత, ముఖ్యమంత్రి కల్వకుంట్ల చంద్రశేఖర్‌రావు, మిగిలిన నియోజకవర్గాల్లో ప్రచార సభలకు తేదీలను కూడా ఖరారయ్యాయి. ఈ నెల 29 నుంచి ఏప్రిల్ 4 వరకు 13 పార్లమెంట్ నియోజకవర్గాల్లో ఎన్నికల ప్రచార సభలను నిర్వహించబోతున్నారు. ప్రతి రోజూ ఉదయం, సాయంత్రం రెండేసి చోట్ల కేసీఆర్ సభలు జరగున్నాయి. పార్లమెంట్ నియోజకవర్గాల వారీగా ఎన్నికల ప్రచార సభలను నిర్వహించాలని నిర్ణయించారు. అయితే గ్రేటర్ హైదరాబాద్ పరిధిలోని మల్కాజ్‌గిరి, సికింద్రాబాద్, చేవెళ్ల మూడు నియోజకవర్గాలకు కలిపి ఒకే చోట హైదరాబాద్‌లో ఎల్‌బి స్టేడియంలో భారీ బహిరంగ సభ నిర్వహించాలని కేసీఆర్ నిర్ణయించారు. పార్లమెంట్ ఎన్నికలకు బరిలోకి దింపిన అభ్యర్థులంతా కొత్తవారే కావడంతో (ఖమ్మం అభ్యర్థి నామా నాగేశ్వర్‌రావు మినహా) వీరిని గెలిపించే బాధ్యతలను సంబంధిత జిల్లాలకు చెందిన మంత్రులు, ఆయా పార్లమెంట్ నియోజకవర్గాల పరిధిలోని ఎమ్మెల్యేలకు అప్పగించారు. పార్టీ అభ్యర్థుల విజయానికి తీసుకోవాల్సిన చర్యలు, ప్రచారంలో అనుసరించాల్సిన వ్యూహంపై మంత్రులు, ఎమ్మెల్యేలు, అభ్యర్థులకు ప్రతి రోజు పార్టీ అధినేత కేసీఆర్ ఫోన్లు చేస్తూ దిశా నిర్దేశం చేస్తున్నారు. నామినేషన్ల ప్రక్రియ పూర్తి అయిన తర్వాత పూర్తిస్థాయిలో ప్రచారాన్ని ముమ్మరం చేయడానికి పార్టీ అధిష్ఠానమే కార్యాచరణను ఖరారు చేసి పంపిస్తుంది. పార్లమెంట్ నియోజకవర్గాల వారీగా నియమించిన ఇంచార్జీలతో ఎప్పటికప్పుడు సమీక్షిస్తూ మార్గదర్శకం చేస్తున్నారు. శాసనసభ ఎన్నికల్లో టీఆర్‌ఎస్ ప్రభంజనం వీయడంతో అదే ఊపుతో పార్లమెంట్ ఎన్నికల్లో కూడా గెలుస్తామన్న అతి విశ్వాసం ఏమాత్రం తగదని కేసీఆర్ హెచ్చరిస్తున్నారు. పార్టీ అభ్యర్థుల విజయం ఒక్కటే ముఖ్యం కాదని, ఎమ్మెల్యేలకు వచ్చిన మెజారిటీ కంటే పార్లమెంట్ అభ్యర్థులకు రెట్టింపు మెజారిటీ తీసుకరావాడానికి లక్ష్యంగా పెట్టుకోవాలని మంత్రులు, ఎమ్మెల్యేలకు సూచించినట్టు పార్టీ వర్గాల సమాచారం. అభ్యర్థులు కూడా అంతా మంత్రులు, ఎమ్మెల్యేలే చూసుకుంటారన్న ధీమాతో నిర్లక్ష్యం వహించవద్దని కేసీఆర్ హెచ్చరించినట్టు తెలిసింది.
పర్యటన వివరాలు
మార్చి 29న (శుక్రవారం): సాయంత్రం 4 గంటలకు నల్లగొండ పార్లమెంట్ నియోజకవర్గ సభ మిర్యాలగూడలో,
సాయంత్రం 5.30 గంటలకు ల్‌బి స్టేడియంలో మల్కాజ్‌గిరి, సికింద్రాబాద్, చేవెళ్ల (పార్ట్) నియోజకవర్గాల సభ
మార్చి 31న (ఆదివారం): సాయంత్రం 4 గంటలకు నాగర్‌కర్నూల్ నియోజకవర్గ సభ వనపర్తిలో,
సాయంత్రం 5.30 గంటలకు మహబూబ్‌నగర్ సభ జిల్లా కేంద్రంలో
ఏప్రిల్ 1 (సోమవారం): పెద్దపల్లి నియోజకవర్గ సభ సాయంత్రం 4 గంటలకు రామగుండంలో
ఏప్రిల్ 2 (మంగళవారం): వరంగల్ పార్లమెంట్ నియోజకవర్గ సభ సాయంత్రం 4 గంటలకు వరంగల్‌లో
సాయంత్రం 5.30 గంటలకు భువనగిరి నియోజకవర్గ సభ భువనగిరిలో
ఏప్రిల్ 3 (బుధవారం): సాయంత్రం 4 గంటలకు జహీరాబాద్ నియోజకవర్గ సభ ఆందోల్‌లో
సాయంత్రం 5.30 గంటలకు మెదక్ నియోజకవర్గం సభ నర్సాపూర్‌లో
ఏప్రిల్ 4 (గురువారం): సాయంత్రం 4 గంటలకు మహబూబాబాద్ నియోజకవర్గం సభ మహబూబాబాద్‌లో
సాయంత్రం 5.30 గంటలకు ఖమ్మం నియోజకవర్గం సభ ఖమ్మంలో..
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.