రాష్ట్రీయం
ఆ ఎనిమిది కీలకం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 24: పార్లమెంట్ ఎన్నికల్లో 16 సీట్లను గెలుచుకోవడమే లక్ష్యంగా పెట్టుకున్న అధికార తెలంగాణ రాష్ట్ర సమితికి వీటిలో సగం సీట్లు ప్రతిష్ఠాకరంగా మారాయి. నాలుగు చోట్ల సిట్టింగ్‌లను పక్కనబెట్టి కొత్తవారికి టికెట్ ఇవ్వడం, అలాగే 10 మంది కొత్త ముఖాలను బరిలోకి దించడం వంటి కారణాలతో ఎనిమిది స్థానాలు టీఆర్‌ఎస్‌కు కీలకంగా మారాయి. ఈ ఎనిమిది చోట్ల ప్రధాన ప్రత్యర్థి కాంగ్రెస్ తరఫున ఏఐసీసీ, టీపీసీసీకి చెందిన ముఖ్యులు బరిలో నిలవడంతో గట్టి పోటీనే ఎదుర్కొవాల్సిన పరిస్థితి ఏర్పడింది. శాసనసభ ఎన్నికల్లో తమకు వీచిన ప్రభంజనమే పార్లమెంట్ ఎన్నికల్లోనూ పునరావృతం అవుతుందని టీఆర్‌ఎస్ భావిస్తున్నా, ప్రత్యర్థులుగా బరిలో నిలిచిన కాంగ్రెస్ ముఖ్యనేతల రాజకీయ భవితష్యత్‌తో ముడి పడి ఉండటంతో వారికి కూడా ఈ స్థానా లు పెనుసవాల్‌గా నిలిచాయి. శాసనసభ ఎన్నికల్లో టీఆర్‌ఎస్ అధినేత, సీఎం కేసీఆర్‌తో పాటు వారి కుటుం బం నుంచి అప్పట్లో మంత్రులుగా ఉన్న కేటీఆర్, హరీశ్‌రావు బరిలో నిలిచారు. పార్లమెంట్ ఎన్నికల బరిలో సీఎం కేసీఆర్ కుటుంబం నుంచి కూ తురు, నిజామాబాద్ సిట్టింగ్ ఎంపీ కల్వకుంట్ల కవిత ఒక్కరే బరిలో నిలిచారు. తన సిట్టింగ్ స్థానం నిజామాబాద్ నుంచే తిరిగి కవిత బరిలో నిలిచారు. ఈ స్థానం నుంచి ప్రత్యర్థిగా బరిలో నిలిచిన మధుయాష్కి ఏఐసీసీ కార్యదర్శిగా కర్నాటక ఇంచార్జీగా ఉన్నారు. ఈ స్థానం ఇటు టీఆర్‌ఎస్‌కే కాకుండా అటు కాంగ్రెస్‌కూ ప్రతిష్ఠాకరమైందే. ప్రధాన ప్రత్యర్థి కాంగ్రెస్ నుంచి మరో మూడు చోట్ల టీపీసీసీకి చెందిన కీలక నేతలు బరిలో నిలిచారు. వీటిలో నల్లగొండ నుంచి టీపీసీసీ అధ్యక్షుడు ఉత్తమ్‌కుమార్‌రెడ్డి, కరీంనగర్ నుంచి టీపీసీసీ వర్కింగ్ ప్రెసిడెంట్ పొన్నం ప్రభాకర్, మరో వర్కింగ్ ప్రెసిడెంట్ రేవంత్‌రెడ్డి మల్కాజ్‌గిరి స్థానం నుంచి బరిలో నిలిచారు. నల్లగొండ స్థానంలో ఉత్తమ్‌కుమార్‌రెడ్డిపై బరిలోకి దింపిన టీఆర్‌ఎస్ అభ్యర్థి వేమిరెడ్డి నరసింహారెడ్డి, మల్కాజ్‌గిరి స్థానంలో రేవంత్‌రెడ్డిపై బరిలోకి దింపిన అభ్యర్థి మర్రి రాజశేఖర్‌రెడ్డి ఇద్దరూ రాజకీయాల్లో కొత్తే. కరీంనగర్ స్థానంలో టీఆర్‌ఎస్ కీలక నేత బోయినపల్లి వినోద్‌కుమార్‌పై కాంగ్రెస్ నుంచి బరిలోకి దిగిన అభ్యర్థి పొన్నం ప్రభాకర్ మాత్రం పాత ప్రత్యర్థినే. అయినప్పటికీ ఇటు నుంచి టీఆర్‌ఎస్ కీలక నేత, అటు నుంచి కాంగ్రెస్ వర్కింగ్ ప్రెసిడెంట్ బరిలో నిలువడంతో అధికార, ప్రతిపక్ష ఇరు పార్టీలకూ ఇది కూడా ప్రతిష్ఠాకరమైన స్థానమే. టీఆర్‌ఎస్ ప్రతిష్టాకరంగా తీసుకున్న మరో స్థానం చేవెళ్ల. ఇక్కడి టీఆర్‌ఎస్ సిట్టింగ్ ఎంపీ కొండా విశే్వశ్వర్‌రెడ్డి కాంగ్రెస్‌లో చేరి ఆ పార్టీ తరఫున బరిలో నిలువడంతో ఈ స్థానాన్ని టీఆర్‌ఎస్ ప్రతిష్ఠాకరంగా తీసుకుంది. ఈ స్థానంలో అభ్యర్థిని గెలిపించే బాధ్యతను పార్టీ వర్కింగ్ ప్రెసిడెంట్ కేటీఆర్ తన భుజాన వేసుకున్నారు. మహబూబ్‌నగర్ సిట్టింగ్ ఎంపీ, లోక్‌సభలో పార్టీ నాయకుడు జితేందర్‌రెడ్డికి టికెట్ నిరాకరించి రాజకీయాలకు కొత్త అయిన మనె్న శ్రీనివాస్‌రెడ్డిని టీఆర్‌ఎస్ బరిలోకి దింపింది. పార్టీ సీనియర్ నాయకుడిని కాదని కొత్త వ్యక్తిని అభ్యర్థిగా బరిలోకి దించడంతో ఈ స్థానం కూడా టీఆర్‌ఎస్‌కు సవాల్‌గా మారింది. అలాగే ఖమ్మం స్థానంలో సిట్టింగ్ ఎంపీ పొంగులేటి శ్రీనివాస్‌రెడ్డిని పక్కన పెట్టి టీడీపీ నుంచి పార్టీలో చేరిన మాజీ ఎంపి నామా నాగేశ్వర్‌రావును బరిలోకి దించింది. ఖమ్మం జిల్లా రాజకీయాల్లో బలమైన నాయకుడిగా పేరున్న శ్రీనివాస్‌రెడ్డిని పక్కన పెట్టడంతో ఈ స్థానంలో పార్టీ అభ్యర్థి గెలుపు టీఆర్‌ఎస్‌కు ప్రతిష్ఠాకరంగా మారింది. అలాగే పెద్దపల్లి స్థానాన్ని కూడా టీఆర్‌ఎస్ ప్రతిష్ఠాకరంగా తీసుకుంది. ఇక్కడి నుంచి టికెట్ ఆశించిన మాజీ ఎంపి వివేక్ కాకుండా చివరి నిమిషంలో పార్టీలో చేరిన నేతకాని వెంకటేశ్‌ను అభ్యర్థిగా బరిలోకి దించింది. తనను నమ్మించి గొంతు కోసారని వివేక్ టీఆర్‌ఎస్ అధినేత కేసీఆర్‌పై ఆరోపణలు చేయడం, టీఆర్‌ఎస్ కూడా అదే స్థాయిలో స్పందించడంతో పెద్దపల్లి స్థానం కీలకంగా మారింది. పార్లమెంట్ ఎన్నికల్లో మిత్రమపక్షం ఎంఐఎంకు కేటాయించిన హైదరాబాద్ సీటు మినహా మిగిలిన 16 స్థానాలను గెలుచుకోవడమే లక్ష్యంగా పెట్టుకున్న టీఆర్‌ఎస్‌కు పై ఎనిమిది స్థానాల్లో విజయం సాధించడం ప్రతిష్ఠాత్మకంగా మారాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.