రాష్ట్రీయం
రబీ పూర్తయినా అందని పెట్టుబడి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: 2018-19 యాసంగి పంటకు రైతులకు చెల్లించాల్సిన రైతుబంధుకు నిధుల కొరత ఏర్పడ్డది. 2018 వానాకాలం (ఖరీఫ్)లో రైతులకు చెల్లించాల్సిన రైతుబంధు నిధులను 2018 మే నెలలోనే చెల్లించారు. దాదాపు 5000 కోట్ల రూపాయలు రైతులకు చెక్కుల రూపంలో చెల్లించారు. 2018-19 యాసంగి పంట సీజన్ 2018 అక్టోబర్-నవంబర్ నెలల్లోనే ప్రారంభం అయింది. డిసెంబర్‌లో తెలంగాణ శాసనసభక ఎన్నికలు జరిగాయి. ఎన్నికల సమయం అయినప్పటికీ, కొంత మంది రైతులకు రైతుబంధు కింద పెట్టుబడి సాయం అందించారు. కేంద్ర ఎన్నికల కమిషన్ కూడా ఈ పథకం ఆన్‌గోయింగ్ పథకం కాబట్టి అడ్డు చెప్పలేదు. డిసెంబర్ 7 న పోలింగ్ జరగగా, అప్పటి వరకు 30 లక్షల మందికి పైగా రైతులకు రైతుబంధు నిధులు వారి వారి బ్యాంకు ఖాతాల్లో జమ చేశారు. పోలింగ్ ముగిసిన తర్వాత ఖాతాల్లో డబ్బు పడటం నిలిచిపోయింది. యాసంగి పంటకు సంబంధించి రైతుబంధు డబ్బును కనీసం డిసెంబర్ చివరివరకైనా ఇస్తారేమోనని రైతులు ఎదురు చూశారు. అనధికారిక అంచనా ప్రకారం సుమారు 2000 కోట్ల రూపాయలు రైతుల బ్యాంకు అకౌంట్లలో వేయాల్సి ఉన్నప్పటికీ, వేయలేదు. వ్యవసాయ శాఖ, ఆర్థిక శాఖ ఇందుకు సంబంధించిన బకాయిల డబ్బును విడుదల చేయడం లేదని తెలిసింది. పైగా 2018-19 బడ్జెట్‌కు సంబంధించి చేయాల్సిన ఖర్చు 2019 మార్చి 31 తో ముగుస్తోంది. అంటే మరో వారం రోజుల్లోగా రైతుబంధు డబ్బు రైతుల ఖాతాల్లో జమచేయాల్సి ఉంది. జమ అవుతుందా లేదా అయోమయంగా ఉందని అకౌంట్లలో డబ్బు పడని అనేక మంది రైతులు వాపోతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.