రాష్ట్రీయం
కౌంటింగ్‌కు విస్తృత ఏర్పాట్లు
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి: రాష్ట్రంలో వచ్చేనెల 23న నిర్వహించనున్న ఓట్ల లెక్కింపునకు పటిష్టమైన ఏర్పాట్లు చేయాలని ప్రభుత్వ ప్రధాన కార్యదర్శి ఎల్వీ సుబ్రహ్మణ్యం ఆదేశించారు. కౌంటింగ్ కేంద్రాల వద్ద వసతి, సదుపాయాలపై బుధవారం సచివాలయం నుండి జిల్లా కలెక్టర్లు, ఎస్పీలతో ఆయన వీడియో కాన్ఫరెన్స్‌లో సమీక్షించారు. ఈ సందర్భంగా మాట్లాడుతూ ఇటీవల నిర్వహించిన ఎన్నికల్లో సిబ్బందికి సరైన శిక్షణ ఇవ్వనందునే కొన్నిచోట్ల ఈవీఎంలు పనిచేయటం లేదనే ఫిర్యాదులు వచ్చాయని, కౌంటింగ్ నిర్వహణలో ఎలాంటి ఫిర్యాదులకు ఆస్కారం ఇవ్వరాదని దిశానిర్దేశం చేశారు. ఓట్ల లెక్కింపునకు ఇంకా నెలరోజుల సమయం ఉన్నందున ఏర్పాట్లను కలెక్టర్లు స్వయంగా పర్యవేక్షించి అవసరమైన ముందుజాగ్రత్త చర్యలు చేపట్టాలని సూచించారు. ఎన్నికల కమిషన్ మార్గదర్శకాలకు అనుగుణంగా లెక్కింపు కేంద్రాల వద్ద ఏర్పాట్లు చేయటంతో పాటు సీటింగ్, లైటింగ్, టేబుల్స్, కుర్చీల వంటి అన్ని ఏర్పాట్లు చూడాలన్నారు. ప్రధానంగా కౌంటింగ్ సిబ్బందికి పూర్తిస్థాయిలో తగిన శిక్షణ ఇవ్వాలని, ఈవిషయంలో ఏమాత్రం రాజీ పడరాదన్నారు. కేంద్రాలకు వెళ్లే రహదారుల్లో విస్తృత బందోబస్తు ఏర్పాట్లు చేయాలని, కౌంటింగ్ రోజు, అనంతరం అల్లర్లు చెలరేగకుండా అప్రమత్తంగా వ్యవహరించాలని ఆదేశించారు. ఎన్నికల ప్రవర్తనా నియమావళి అమలులో ఉన్నప్పటికీ తాగునీరు, పశుగ్రాసం కొరత లేకుండా కంటిన్యూస్ అడ్మినిస్ట్రేషన్ కింద కలెక్టర్లు సకాలంలో స్పందించి సమస్యలు పరిష్కరించాలని సూచించారు. నిధుల విడుదలలో సమస్యలేవైనా ఎదురైతే ఆర్థిక శాఖ కార్యదర్శిని సంప్రదించి, సత్వరమే చర్యలు తీసుకోవాలని ఆదేశించారు. ఉద్యానవన పంటలకు నీటిఎద్దడి ఎదురైన ప్రాంతాల్లో ప్రత్యేక చర్యలు తీసుకోవాలన్నారు. ఇలాంటి సమస్యలపై ప్రజల నుండి వచ్చే ఫిర్యాదులను ఎప్పటికప్పుడు పరిష్కరించాలని కోరారు. రాష్టస్థ్రాయిలో తాగునీటి సమస్యపై ఇప్పటికే తాను ఉన్నతాధికారులతో సమీక్షించానని, జిల్లా స్థాయిలో కలెక్టర్లు కూడా సమీక్షలు జరపాలన్నారు.
జిల్లా స్థాయిలో జెడ్పీ సీఈఓ, పంచాయతీ, గ్రామీణ నీటి సరఫరా, మున్సిపల్ కమిషనర్లు, ఇంజనీర్లు రోజువారీ సమీక్షలు జరిపి ఎక్కడా ఇబ్బంది తలెత్తకుండా జాగ్రత్తలు తీసుకోవాలన్నారు. ఇందుకు సంబంధించి కార్యాచరణ ప్రణాళికను సిద్ధం చేసుకోవాలని సీఎస్ సుబ్రహ్మణ్యం ఆదేశించారు.
చిత్రం... సీఎస్‌తో కలిసి వీడియో కాన్ఫరెన్స్‌లో మాట్లాడుతున్న ద్వివేది. పక్కన డీజీపీ ఠాకూర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.