రాష్ట్రీయం
స్ట్రాంగ్ రూమ్‌లు సురక్షితం
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి: సార్వత్రిక ఎన్నికల్లో కలెక్టర్లు, ఎస్పీలు బాధ్యతలను సమర్థవంతంగా నిర్వహించారని రాష్ట్ర ఎన్నికల ప్రధానాధికారి గోపాలకృష్ణ ద్వివేది ప్రశంసించారు. కలెక్టర్లు, ఎస్పీలతో రాష్ట్ర ప్రభుత్వ ప్రధాన కార్యదర్శి ఎల్వీ సుబ్రహ్మణ్యం బుధవారం నిర్వహించిన వీడియో కాన్ఫరెన్స్‌లో ఆయన మాట్లాడుతూ ఎన్నికల్లో 65 శాతానికి పైగా దివ్యాంగులు ఓటుహక్కు వినియోగించుకోవటం, మారుమూల గిరిజన ప్రాంతాలు, మావోయిస్టు ప్రభావిత ప్రాంతాల్లో పోలింగ్ శాతం పెరగటమే ఇందుకు నిదర్శనమని ఉదహరించారు. స్ట్రాంగ్ రూముల వద్ద పటిష్టమైన బందోబస్తుతో పాటు నిఘా కెమెరాలతో కలెక్టర్లు, ఎస్పీల నిరంతర పర్యవేక్షణ జరుగుతోందని, ఆర్వోలు నిత్యం తనిఖీలు నిర్వహించి నివేదిక అందిస్తున్నట్టు చెప్పారు. స్ట్రాంగ్ రూములను రోజూ ఎవరు సందర్శిస్తున్నారో వీడియో చిత్రీకరణలతో సహా సిద్ధం చేస్తున్నామన్నారు. వినియోగంలో లేని, రిజర్వుడ్ ఈవీఎంలను కూడా కట్టుదిట్టంగా భద్రం చేశామన్నారు. స్ట్రాంగ్ రూములకు సంబంధించి ఏవైనా ఫిర్యాదులొస్తే పరిష్కరించేందుకు అవసరమైన జిల్లా, రాష్ట్ర, ఆర్వోల స్థాయి అధికారుల సమాచారం, ఫోన్ నెంబర్లను కూడా అందుబాటులో ఉంచామని స్పష్టం చేశారు. వచ్చే నెల మొదటి వారంలో కౌంటింగ్ నిర్వహణపై సిబ్బందికి శిక్షణ కార్యక్రమం నిర్వహిస్తామని తెలిపారు. మూడు దశలుగా శిక్షణ ఇస్తామని చెప్పారు. ప్రతి కౌంటింగ్ కేంద్రం పరిధిలో మీడియా సెంటర్ ఉండేలా చర్యలు చేపట్టాలని సూచించారు. పోటీలో ఉన్న అభ్యర్థుల నుండి వారి కౌంటింగ్ ఏజెంట్ల వివరాలను రిటర్నింగ్ అధికారులు సేకరించి, వారికి తగిన ఫొటో గుర్తింపు కార్డు జారీ చేసేందుకు చొరవ చూపాలన్నారు. కౌంటింగ్ కేంద్రాల్లోకి మొబైల్ ఫోన్లు అనుమతించే అవకాశం లేనందున ఇతర ప్రాంతాల్లో వాటి భద్రతకు ఏర్పాట్లు చేయాలని ద్వివేది సూచించారు.
రీపోలింగ్‌కు విస్తృత బందోబస్తు:డీజీపీ
రాష్ట్ర పోలీస్ డైరెక్టర్ జనరల్ ఆర్పీ ఠాకూర్ మాట్లాడుతూ 2014తో పోలిస్తే తక్కువ పోలీస్ ఫోర్స్ ఉన్నప్పటికీ కలెక్టర్లు, ఎస్పీల చొరవతో చిన్నపాటి సమస్యలు మినహా పోలింగ్ సజావుగా నిర్వహించారని అభినందించారు. పోలింగ్ అనంతరం జరిగిన అల్లర్లకు బాధ్యులపై కేసులు నమోదు చేసి చర్యలు చేపట్టామని చెప్పారు. కౌంటింగ్ అనంతరం కూడా అల్లర్లు జరిగే అవకాశాలు ఉన్నందున జిల్లాల్లో తగిన బందోబస్తు ఏర్పాటు చేయాలని ఎస్పీలకు సూచించారు. రీపోలింగ్ జరగనున్న ప్రాంతాల్లో అవసరమైన సిబ్బందిని ఏర్పాటు చేస్తామన్నారు. స్ట్రాంగ్ రూముల వద్ద మూడంచెల భద్రతా ఏర్పాట్లతో పాటు నిరంతర పర్యవేక్షణ కొనసాగుతోందని, కౌంటింగ్ కేంద్రాల వద్ద కూడా అదే రీతిలో ఎలాంటి అవాంఛనీయ సంఘటనలు జరగకుండా ఎన్నికల సంఘం ఆదేశాల మేరకు పటిష్ట బందోబస్తు ఏర్పాటు చేయాలని ఆదేశించారు. హోం శాఖ ముఖ్య కార్యదర్శి ఏఎస్ అనూరాధ, శాంతిభద్రతల అదనపు డీజీ రవిశంకర్, సాధారణ పరిపాలన శాఖ కార్యదర్శి ఎన్ శ్రీకాంత్, అదనపు సీఈఓ సుజాత శర్మ, సంయుక్త సీఈఓ డి.మార్కండేయులు తదితరులు సమావేశంలో పాల్గొన్నారు.
చిత్రం... కలెక్టర్లు, ఎస్పీలతో వీడియో కాన్ఫరెన్స్‌లో మాట్లాడుతున్న సీఎస్ ఎల్వీ సుబ్రహ్మణ్యం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.