రాష్ట్రీయం
ప్రయాణికుల సౌకర్యార్థం నూతన రైళ్లు, అదనపు బోగీలు
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ (రైల్వేస్టేషన్), ఏప్రిల్ 25: ప్రయాణికుల సౌకర్యార్థం రద్దీగా ఉండే వివిధ ప్రాంతాల నుంచి దక్షిణ మధ్య రైల్వే కొన్ని ప్రత్యేక రైళ్లు ప్రవేశపెట్టడంతో పాటు నూతన రైళ్లు ఏర్పాటు చేసిందని దక్షిణ మధ్య రైల్వే ముఖ్య ప్రజా సంబంధాల అధికారి సీహెచ్ రాకేష్ గురువారం ఒక ప్రకటనలో తెలిపారు. 2018-19 ఆర్థిక సంవత్సరంలో పెరిగిన ప్రయాణికుల రద్దీని దృష్టిలో పెట్టుకుని దక్షిణ మధ్య రైల్వే జోన్ నుంచి, అలాగే జోన్ మీదుగా కలిపి 10 ప్రత్యేక రైళ్లు ఏర్పాటు చేశారన్నారు. 2018-19లో దక్షిణ మధ్య రైల్వే ప్రవేశపెట్టిన ప్రత్యేక రైళ్లు, అదనపు రైళ్లు, అదనపు స్టాపేజీల కారణంగా రికార్డు స్థాయిలో అన్ని విభాగాల సమన్వయంతో గత ఏడాది కంటే 8 శాతం ఆదాయం పెరిగి రూ. 4.059 కోట్లకు చేరిందన్నారు. భారతీయ రైల్వేలో సైతం ఈ పెరుగుదల రెండో స్థానంలో నిలిచి, ఉత్తమ పెరుగుదల సాధించిన జోన్‌గా పేరు నమోదు చేసుకుందన్నారు. ఇందులో ప్రధానంగా మూడు ప్రాంతాలకు మూడు ప్రత్యేక రైళ్లు నడిపినట్లు తెలిపారు. లింగంపల్లి - ఇండోర్ హమ్‌సఫర్, నాందేడ్ - జమ్మూతావి హమ్‌సఫర్, అజ్మీర్ - రామేశ్వరం హమ్‌సఫర్ రైళ్లు ప్రధానమైనవని తెలిపారు. అలాగే అవసరమైన ప్రయాణికులకు అదనపు ప్రయోజనం కలిగేలా ఇరువైపులా 30 రైళ్లను వివిధ గమ్యస్థానాలకు విస్తరించినట్లు తెలిపారు. ప్రస్తుతం నడుస్తున్న 29 రైళ్లకు పెరిగిన ప్రయాణికుల రద్దీని దృష్టిలో పెట్టుకుని శాశ్వత ప్రాతిపదికన 64 బోగీలను జత చేసినట్లు తెలిపారు. దీనికి అదనంగా పలు రైళ్లకు సైతం తాత్కాలిక పద్ధతిన వందలాది బోగీలు జత చేశారన్నారు. ఆదాయ వృద్ధిలో భారతీయ రైల్వేలోనే రెండో జోన్‌గా గుర్తింపు వచ్చిన సందర్భంగా దక్షిణ మధ్య రైల్వే జనరల్ మేనేజర్ గజానన్ మాల్వా అన్ని విభాగాల వారిని ప్రశంసిస్తూ అభినందనలు తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.