రాష్ట్రీయం
వైకాపాదే అధికారం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: ఆంధ్రప్రదేశ్‌కు కాబోయే ముఖ్యమంత్రి వైఎస్ జగన్మోహన్‌రెడ్డి అంటూ జాతీయ సర్వేల అంచనాల్లో స్పష్టంగా పేర్కొన్నాయి. వైఎస్ జగన్మోహన్‌రెడ్డి నేతృత్వంలోని వైఎస్సార్ సీపీ ప్రభంజనం సృష్టిస్తోందని ఎగ్జిట్‌పోల్స్‌లో ఆదివారం పేర్కొన్నాయి. ఇక అధికారం లాంఛన ప్రాయమేనని వెల్లడించాయి. వైఎస్సార్ సీపీ గుర్తు ప్యాన్ గాలి స్పీడుకు సైకిల్ వెనకంజ ఉన్నట్లుగా ఎగ్జిట్‌పోల్స్ చెప్పాయి. వైఎస్సార్ సీపీ అధికారం చేపట్టబోతోందని జాతీయ సర్వేలు తేల్చాయి. అన్ని సర్వేల్లో జనం వైఎస్ జగన్‌వైపు మొగ్గు చూపారని స్పష్టం చేశాయి. ఆంధ్రప్రదేశ్ విభజన తర్వాత ప్రతిపక్షనేత జగన్మోహనరెడ్డి ముఖ్యమంత్రిగా అధికార పగ్గాలు చేపట్టబోతున్నారని సర్వేలు వెల్లడించాయి. ఎగ్జిట్ పోల్స్ సర్వేలు తెలుగు రాష్ట్రాల్లో ఉత్కంఠ రేకెత్తించాయి. దేశంలో అత్యంత జనాదరణ కలిగిన వ్యక్తి జగన్మోహన్‌రెడ్డి అంటూ ఎగ్జిట్‌పోల్స్ ఆదివారం ప్రకటించాయి. జగన్ ప్రభంజనంతో ఆంధ్రలో అధికార టీడీపీకి ఘోర పరాజయం తప్పదని సర్వేలు స్పష్టం చేశాయి. కేవలం లగడపాటి రాజగోపాల్‌తో పాటు మరో రెండు సంస్థలు మాత్రమే ఆంధ్రలో మళ్ళీ అధికారంలోకి టీడీపీ వస్తుందని ఎగ్జిట్‌పోల్స్‌లో వచ్చినట్లుగా వెల్లడించారు. ఇటీవల ఆంధ్రప్రదేశ్ జరిగిన సార్వత్రిక ఎన్నికల్లో ఇటు అసెంబ్లీ, అటు పార్లమెంట్ స్థానాల్లో వైఎస్సార్ సీపీ ఘనవిజయం సాధిస్తున్నట్లు జాతీయ సర్వేలు ప్రకటించాయి. ఆంధ్రప్రదేశ్‌లో 50.1 శాతం ఓట్లుతో వైఎస్సార్ సీపీ ముందంజలో ఉన్నట్లు సర్వేలు ప్రకటించగా, టీడీపీ 40.2 శాతం ఓట్లతో సరిపెట్టుకోవాల్సి వచ్చిందని, ఇక పవన్ కల్యాణ్ పార్టీ జనసేనకు 7.3 శాతం ఓట్లు, ఇతరులకు 2.6 శాతం ఓట్లు పొందినట్లు సర్వేలు వెల్లడించాయి. ఇతర పార్టీలతో పోల్చితే వైఎస్సార్ సీపీకి దాదపు 10 శాతం అధికంగా ఓట్లు పోలైనట్లు ప్రకటించాయి. దీంతో అధికారం ఖచ్చితంగా జగన్మహనరెడ్డికే దక్కుతుందని ఎక్కువ సర్వే సంస్థలు ప్రకటించాయి. ఆంధ్రప్రదేశ్‌లో జగన్ స్థాపించిన వైఎస్సార్ సీపీకి 130-135 అసెంబ్లీ, 22- 24 పార్లమెంట్ స్థానాలు గెలుచుకుంటుందని సీపీఎస్ సర్వే స్పష్టం కాగా, టీడీపీకి 43- 44 అసెంబ్లీ దక్కవచ్చునని వెల్లడించింది. వీడీపీఏ ఎగ్జిట్ పోల్స్‌లో వైఎస్సార్ సీపీకి 111- 121 అసెంబ్లీ, టీడీపీకి 54-64 అసెంబ్లీ స్థానాలు వస్తాయంది. సీ ఓటుర్ సర్వేలో, ఇండియా టుడే సర్వేలో వైఎస్సార్ సీపీకి 18-20 పార్లమెంట్, అసెంబ్లీ 132-135 స్థానాలు దక్కుతాయని తెల్చింది. కేవలం టీడీపీకి 4-6 పార్లమెంట్, 37-40 అసెంబ్లీ స్థానాల్లో దక్కుతాయని చెప్పింది. జనసేనకు ఒకటి దక్కవచ్చునని చెప్పంది. టైమ్స్‌నౌ సంస్థ వైఎస్సార్ సీపీకి 18 పార్లమెంట్ స్థానాలు, 122 అసెంబ్లీ
స్థానాల్లో విజయం సాధిస్తుందని ప్రకటించింది. న్యూస్-18 చానల్ ఎగ్జిట్ పోల్స్‌లో వైఎస్సార్ సీపీకి 13-14 పార్లమెంట్, 111 అసెంబ్లీ స్థానాలు వస్తాయని వెల్లడించగా, టీడీపీకి 10-12 పార్లమెంట్ స్థానాలు వస్తాయంది. పీపుల్స్ పల్స్ సర్వేలో వైఎస్సార్ సీపీకి 112 అసెంబ్లీ, 18-21 పార్లమెంట్ స్థానాలు, టీడీపీకి అసెంబ్లీ 59, జనసేనకు 4 అసెంబ్లీ స్థానాలు దక్కుతాయని వెల్లడించింది. ఆరా సర్వేలో వైఎస్సార్ సీపీకి 126 అసెంబ్లీ, టీడీపీకి 47 అసెంబ్లీ, జనసేనకు రెండు స్థానాలు వస్తాయంది. లగడపాటి రాజగోపాల్ మాత్రం టీడీపీకి 100 అసెంబ్లీ, 15 పార్లమెంట్ స్థానాలు వస్తాయని, వైఎస్సార్ సీపీకి 72 అసెంబ్లీ, 10 పార్లమెంట్ స్థానాలు వస్తాయన్నారు. రెండు పార్టీల మధ్య కేవలం 2 శాతం ఓట్ల తేడా ఉందని లగడపాటి చెప్పారు. జనసేనకు 11 శాతం ఓట్లు రావచ్చునని అంచనా వేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.