రాష్ట్రీయం
చక్రస్నానంతో ముగిసిన గోవిందరాజస్వామి బ్రహ్మోత్సవాలు
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, మే 19: తిరుపతిలోని శ్రీ గోవిందరాజ స్వామివారి ఆలయంలో తొమ్మిది రోజులపాటు వేడుకగా జరిగిన బ్రహ్మోత్సవాలు ఆదివారం ఉదయం నిర్వహించిన చక్రస్నానంతో ముగిశాయి. ఉదయం 6 గంటలకు గోవిందరాజ స్వామివారు, చక్రత్తాళ్వార్‌లు ఆలయం నుంచి ఊరేగింపుగా బయల్దేరి కపిలతీర్థంలోని ఆళ్వార్ తీర్థానికి చేరుకున్నారు. భక్తులు అడుగడుగునా కర్పూర హారతులు పట్టారు. ఆలయ ఆవరణలో స్నపనతిరుమంజనం నిర్వహించారు. అనంతరం కపిలతీర్థం పుష్కరిణిలో వేద మంత్రోచ్ఛరణల మధ్య చక్రస్నానం వైభవంగా జరిగింది. అనంతరం టీటీడీ పరిపాలనా భవనం ఎదురుగా ఉన్న పీఆర్ తోటకు వేంచేశారు. సాయంత్రం 5 గంటలకు స్వామివారు పిఆర్ తోట నుంచి ఊరేగింపుగా బయల్దేరి శ్రీ గోవిందరాజ స్వామివారి ఆలయానికి చేరుకున్నారు. రాత్రి 7.30 నుంచి 9 గంటల వరకు స్వామివారు బంగారు తిరుచ్చిపై ఆలయ నాలుగు మాడవీధుల్లో భక్తులకు దర్శనమిచ్చారు. రాత్రి 9.10 నుంచి 9.30 గంటల మధ్య ధ్వజావరోహణం జరిగింది. ఈ కార్యక్రమంలో టీటీడీ పెద్దజీయర్ స్వామి, ఆలయ ప్రత్యేక శ్రేణి డిప్యూటీ ఈఓ వరలక్ష్మి, ఏఈఓ ఉదయభాస్కర్‌రెడ్డి, సూపరింటెండెంట్లు జ్ఞానప్రకాష్, శ్రీహరి, టెంపుల్ ఇన్స్‌పెక్టర్ కృష్ణమూర్తి, ఇతర అధికారులు, భక్తులు పాల్గొన్నారు.
చిత్రం...శ్రీ గోవిందరాజస్వామి బ్రహ్మోత్సవాల్లో చివరి రోజున చక్రతాళ్వార్‌కు పుష్కరిణిలో చక్రస్నానం నిర్వహిస్తున్న అర్చకులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.