రాష్ట్రీయం
25 నుంచి వడగాల్పులు తీవ్రం
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ: రాష్ట్రంలో ఈ నెల 25 నుంచి వడగాల్పుల తీవ్రత ఎక్కువగా ఉండనుంది. రోహిణి కార్తె కూడా ప్రారంభం అవుతుండటంతో రాష్ట్రం నిప్పుల కొలిమిని తలపించనుంది. 29 వరకూ రాష్ట్రంలో పగటి ఉష్ణోగ్రత చాలాచోట్ల 48 డిగ్రీలకు చేరుకోనుందని ఆర్టీజీఎస్ నిపుణులు హెచ్చరిస్తున్నారు. ప్రకాశం, గుంటూరు, కృష్ణా, నెల్లూరు, కర్నూలు జిల్లాల్లోని పలు ప్రాంతాల్లో వడగాల్పులు ఉంటాయి. తూర్పు గోదావరి, పశ్చిమ గోదావరి, కడప, విజయనగరం, శ్రీకాకుళం జిల్లాల్లో ఒక మోస్తరు స్థాయిలో వడగాల్పులు వీస్తాయి. ఇదే సమయంలో రాష్ట్రంలో ఉష్ణోగ్రతలు కూడా అత్యధికంగా 45 నుంచి 48 డిగ్రీల మధ్య నమోదయ్యే అవకాశం ఉంది. రాయలసీమలో కొన్ని ప్రాంతాల్లో ఒక మోస్తరు వర్షాలు కురిసే అవకాశాలు ఉన్నాయి. అనంతపురం, చిత్తూరు, జిల్లాల్లోని కొన్ని మండలాల్లో ముందస్తు రుతుపవన వర్షాలు కురిసే సూచనలు ఉన్నాయి. 23 నుంచి 27 వరకూ పిడుగులతో కూడిన వర్షాలు కురిసే అవకాశం ఉందని హెచ్చరించారు.
ఇలావుండగా మంగళవారం 647చోట్ల ఉష్ణోగ్రత 40 డిగ్రీల సెల్సియస్ దాటింది. ఆరు జిల్లాల్లో 45 డిగ్రీల కంటే ఎక్కువ నమోదైంది. కర్నూలు జిల్లా చాగలమర్రిలో 45.84 డిగ్రీలు, ప్రకాశం జిల్లా పెదారవీడులో 45.69, కడపలో 45.64, నెల్లూరు జిల్లా వెంకటగిరిలో 45.16, చిత్తూరు జిల్లా చియ్యవరంలో, గుంటూరు జిల్లా మాచవరంలో 45.05 డిగ్రీలు నమోదైంది. 45-45.9 డిగ్రీల మధ్య 10 ప్రాంతాలో ఉప్ణోగ్రత నమోదైంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.