రాష్ట్రీయం
నేటి నుంచి అసెంబ్లీ
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి, జూన్ 11: రాష్ట్ర శాసనసభ సమావేశాలు బుధవారం నుంచి ప్రారంభం కానున్నాయి. సార్వత్రిక ఎన్నికల అనంతరం కొత్త ప్రభుత్వ హయాంలో తొలిసారిగా సమావేశాలు ఆసక్తికరంగా మారనున్నాయి. వైఎస్సార్ కాంగ్రెస్ శాసనసభ్యులు సుదీర్ఘ విరామం తరువాత సమావేశాలకు హాజరు కానున్నారు. ఇదిలా ఉండగా ఛాంబర్ల కొంత కేటాయింపులో గందరగోళం నెలకొంది. ఎన్నడూలేని రీతిన ముఖ్యమంత్రి వైఎస్ జగన్ నేతృత్వంలో ఐదుగురు డిప్యూటీ సీఎంలతో పాటు మరో ఐదుగురు ప్రభుత్వ విప్‌లు, స్పీకర్, ప్రతిపక్ష నేత చాంబర్ల ఎంపిక అధికారులకు కష్టతరంగా మారింది. సమావేశాల నిర్వహణ సందర్భంగా మంగళవారం శాసనసభ అడుగడుగునా బాంబ్ స్క్వాడ్, డాగ్ స్క్వాడ్‌లతో ప్రత్యేక తనిఖీలు నిర్వహించారు. బుధవారం ఉదయం 11.05 గంటలకు ప్రారంభం కానున్న సమావేశాలు ఈ నెల 18తో ముగియనున్నాయి. మొదటి రెండు రోజులు ఎమ్మెల్యేల ప్రమాణ స్వీకార కార్యక్రమం ఉంటుంది. కొత్తగా ఎన్నికైన శాసనసభ్యులచే ప్రొటెం స్పీకర్ ప్రమాణ స్వీకారం చేయిస్తారు. తొలుత ముఖ్యమంత్రి హోదాలో జగన్, ప్రతిపక్ష నేత చంద్రబాబు ప్రమాణం చేస్తారు. 13న స్పీకర్ ఎన్నిక జరుగుతుంది. స్పీకర్ స్థానంలో ఆశీనులైన అనంతరం ఆ రోజు సభ వాయిదా పడుతుంది. 14న ఉభయసభల నుద్దేశించి గవర్నర్ ప్రసంగిస్తారు. 15, 16 తేదీలు సెలవులు కాగా 17వ తేదీన గవర్నర్ ప్రసంగంపై ధన్యవాదాలు తెలిపే తీర్మానంపై చర్చ జరుగుతుంది. 18న ధన్యవాదాల తీర్మానం ఆమోదంతో సమావేశాలు వాయిదా వేస్తారు. శాసనసభలో ముందుగా జగన్మోహన్‌రెడ్డి తరువాత ప్రతిపక్ష నేత హోదాలో చంద్రబాబు ప్రసంగాలు ఉంటాయి. ఈ ఆర్థిక సంవత్సరానికి జూన్ నెలాఖరులోగా బడ్జెట్ సమావేశాలు నిర్వహించాల్సి ఉంది. బడ్జెట్ కోసం సమావేశాలను పొడిగిస్తారా లేక మరో విడత నిర్వహిస్తారా అనే విషయమై ఇంకా స్పష్టత రాలేదు. గవర్నర్ ప్రసంగంలో నవరత్నాలు, ఎన్నికల అంశాలు ప్రస్తావనకు రానున్నట్లు సమాచారం. శాసనసభ సమావేశాల సందర్భంగా కట్టుదిట్టమైన ఏర్పాట్లు చేస్తున్నారు. వీవీఐపీల భద్రతకు విస్తృత బందోబస్తు ఏర్పాటు చేశారు.
చిత్రాలు.. అసెంబ్లీ *బందోబస్తుకు సిద్ధమైన పోలీసులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.