రాష్ట్రీయం
‘ఆర్టీసీ’పై నేడు ప్రకటన
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ(సిటీ): ఆర్టీసీ కార్మిక సంఘాలు పిలుపునిచ్చిన సమ్మె విరమణపై బుధవారం స్పష్టత రానుంది. ఇప్పటికే పలు దఫాలుగా ఆర్టీసీ యాజమాన్యంతో జరిపిన చర్చలో కొంత పురోగతి కనిపించగా, తాజాగా మంగళవారం యాజమాన్యంతో జరిపిన చర్చలు సైతం చాలా వరకు ఫలప్రదమయ్యాయి. విజయవాడలోని ఆర్టీసీ హౌస్‌లో ఆర్టీసీ వీసీ అండ్ ఎండీ ఎన్ సరేంద్రబాబుతో ఆర్టీసీ కార్మిక సంఘాల జాయింట్ యాక్షన్ కమిటీ నాయకుల మధ్య రెండవ రోజు చర్చలు ఫలప్రదంగా జరిగాయి. చర్చల సందర్భంగా 35 శాతం వరకు అద్దె బస్సుల పెంపుదల చేయాలనే యోచనను యాజమాన్యం విరమించుకుంది. అన్ని కేటగిరీలలో ఉన్న ప్రమోషన్లు జూన్, జూలై నెలల్లోనే ఇచ్చేందుకు యజమాన్యం అంగీకరించింది. వీటితో పాటు ఆర్టీసీ ఉద్యోగి భార్య/్భర్తకు ఉచిత రవాణా సౌకర్యం కల్పించే గుర్తింపు కార్డు జారీ చేసేందుకు, పెండింగ్‌లో ఉన్న సీసీఎస్ రుణాలు వెంటనే విడుదల చేసేందుకు అంగీకరించినట్లు జేఏసీ కన్వీనర్ పలిశెట్టి దామోదరరావు, కో కన్వీనర్లు సీహెచ్ సుందరయ్య, వి వరహాల నాయుడు తెలిపారు. కారుణ్య నియామకాలు ఈ నెలలో చేపట్టేందుకు, మిగిలి ఉన్న కాంట్రాక్ట్ కార్మికులను విధులలోకి తీసుకుని, ప్రస్తుతం 240 రోజులు సర్వీసు పూర్తయి రెగ్యులర్ కాని కాంట్రాక్ట్ కండక్టర్లు, డ్రైవర్లును ఈ నెలలోనే రెగ్యులర్ చేసేందుకు యాజమాన్యం సూత్ర ప్రాయంగా అంగీకరించినట్లు తెలిపారు. మెడికల్ బిల్లుల చెల్లింపు, వేతన వ్యత్యాసాల సవరణకు, డిజిటల్ చార్ట్‌లను కార్మిక సంఘాలు కోరిన విధంగా వేసేందుకు, ప్రైవేటు ఆసుపత్రుల్లో చికిత్స చేయించుకున్న వారికి సైతం రిఫరల్ ఆసుపత్రుల్లో చెల్లించే విధంగా బిల్లుల చెల్లింపునకు అంగీకరించినట్లు తెలిపారు. ఆన్ డ్యూటీలో ప్రమాదానికి గురై అన్‌ఫిట్ అయిన వారికి ప్రత్యామ్నాయ ఉద్యోగం కల్పించేందుకు, అలవెన్సులను త్వరలో పెంచేందుకు, జీపీఆర్‌ఎస్ ద్వారా రన్నింగ్ టైమ్ సరిచేసేందుకు యాజమాన్యం అంగీకరించినట్లు తెలిపారు. సమ్మె నోటీసులోని 26 డిమాండ్లు పరిష్కరించేందుకు యాజమాన్యం సోమ, మంగళవారం జరిగిన చర్చలలో పూర్తి స్పష్టత ఇవ్వడంతో పాటు యాజమాన్యం అంగీకరించిన అంశాలపై జేఏసీకి లిఖిత పూర్వక ఒప్పంద పత్రాన్ని ఇచ్చినట్లు వారు తెలిపారు.
ఇలాఉంటే ఆర్టీసీని ఆర్థికంగా ఆదుకునే అంశంలోనూ, ప్రభుత్వంలో విలీనం చేసే ప్రక్రియకు సంబంధించి ఆర్టీసీ జేఏసీ నేతలు బుధవారం ముఖ్యమంత్రి జగన్‌మోహన్‌రెడ్డిని కలవనున్నారు. సమ్మె నోటీసుకు సంబంధించి యాజమాన్యం పరిధిలో ఉన్న కార్మిక సమస్యలను పరిష్కరించేందుకు సానుకూలంగా స్పందించి, లిఖితపూర్వక హామీ ఇచ్చినందుకు సీఎం జగన్‌కు కృత్ఞతలు తెలపనున్నారు. సచివాలయంలో సీఎం జగన్‌ను కలిసిన అనంతరం సమ్మె యోచన రద్దుపై జేఏసీ నేతలు కీలక ప్రకటన చేయనున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.