రాష్ట్రీయం
ఆర్టీసీ విలీన ప్రక్రియ ప్రారంభం
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ: ప్రభుత్వంలో ఆర్టీసీ విలీనం ప్రక్రియ వేగవంతం చేసేందుకు ముఖ్యమంత్రి జగన్మోహన్ రెడ్డి సానుకూలంగా స్పందించారు. ముఖ్యమంత్రి నుంచి స్పష్టమైన హామీ లభించడంతో గురువారం నుంచి జరుప తలపెట్టిన సమ్మెను విరమించుకుంటున్నట్లు ఆర్టీసీ జేఏసీ ప్రతినిధులు ప్రకటించారు. వెలగపూడిలోని రాష్ట్ర అసెంబ్లీలో సీఎం చాంబర్‌లో ముఖ్యమంత్రి జగన్మోహన్ రెడ్డితో ఆర్టీసీ జేఏసీ నేతలు బుధవారం సమావేశమయ్యారు. కమిటీ వేసి విలీనం ప్రక్రియ వేగవంతం చేసేందుకు నిర్ణయించడంతో ముఖ్యమంత్రికి జేఏసీ నేతలు కృతజ్ఞతలు తెలిపారు. ముఖ్యమంత్రి మాట్లాడుతూ విలీనం ప్రక్రియ ప్రారంభించామని తెలిపారు. ఇకపై మీరు ఆర్టీసీ ఉద్యోగులు కాదని, ప్రభుత్వ ఉద్యోగులు అని వ్యాఖ్యానించారు. ఆర్టీసీ నష్టాల గురించి కార్మిక సంఘాల నేతలు ప్రస్తావించగా, ఆర్టీసీ అప్పుల సంగతి తనకు వదిలేయమన్నారు. ఆర్టీసీ సమస్యలు ఇక ప్రభుత్వ బాధ్యత అని స్పష్టం చేశారు. ఆర్టీసీని ఆధునీకరిస్తామని, ప్రపంచంలోని అత్యుత్తమ సంస్థగా తీర్చిదిద్దుతామన్నారు. మూడు నెలల్లో విలీన ప్రక్రియను కొలిక్కి తీసుకువస్తామని హామీ ఇచ్చారు. ఆర్టీసీ విలీనం తదితర సమస్యలపై సీఎం సానుకూలంగా స్పందించడంతో గురువారం నుంచి తాము తలపెట్టిన సమ్మెను విరమించుకుంటున్నట్లు జేఏసీ నేతలు మీడియాకు వివరించారు. ఆర్టీసీ ఉద్యోగులంతా ప్రభుత్వ ఉద్యోగులేనని, ధైర్యంగా ఉండాలని సీఎం తెలిపారన్నారు. చిన్న చిన్న సమస్యలు ఏమైనా ఉంటే మంత్రి, సీఎస్‌తో మాట్లాడాలని చెప్పారన్నారు. తాము ఇచ్చిన 27 డిమాండ్లను పరిష్కరించేందుకు యాజమాన్యం రాతపూర్వకంగా ఒప్పందం చేసుకుందని తెలిపారు.
చిత్రం...ముఖ్యమంత్రి జగన్‌మోహన్‌రెడ్డితో భేటీ అయిన ఆర్టీసీ జేఏసీ నేతలు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.