రాష్ట్రీయం
మరో 22 మంది ఐపీఎస్‌ల బదిలీ
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ (క్రైం): రాష్ట్రంలో పోలీసు అధికారుల బదిలీలు కొనసాగుతున్నాయి. తాజాగా 22మంది ఐపీఎస్‌లను బదిలీ చేస్తూ ప్రభుత్వం ఆదివారం అధికారిక ఉత్తర్వులు జారీ చేసింది. కొద్దిరోజుల క్రితం పోలీసు ఉన్నతాధికారుల స్థానాల్లో మార్పులు, చేర్పులు చేసిన ప్రభుత్వం రెండో దశలో జిల్లాల ఎస్పీలను దాదాపు మార్చేసింది. మరలా కొద్దిమంది ఉన్నత స్థాయి ఐపీఎస్‌లతో పాటు జిల్లా స్థాయి అధికారులు, గత బదిలీల్లో పోస్టింగ్‌లు ఇచ్చిన ఒకరిద్దరిని కూడా ఆయా స్థానాల నుంచి మార్పు చేస్తూ ఉత్తర్వులు జారీ చేసింది. ముఖ్యంగా అగ్నిమాపక శాఖ, జీఏడీ, పోలీసు వెల్ఫేర్, తదితర స్థానాలతో పాటు రాష్ట్రంలో ముఖ్యమైన విశాఖపట్నం పోలీస్ కమిషనర్‌ను మార్చింది. ఇప్పటికే హోం శాఖ ప్రిన్సిపల్ సెక్రటరీ స్థానం నుంచి తప్పించిన ఏఆర్ అనూరాధను రాష్ట్ర విపత్తులు, అగ్నిమాపక శాఖ డీజీగా ప్రభుత్వం నియమించింది. ట్రాన్స్‌పోర్టు కమిషనర్‌గా పనిచేసిన ఎన్ బాలసుబ్రహ్మణ్యంను సాధారణ పరిపాలనా విభాగానికి పంపారు. గుంటూరు రేంజ్ ఐజీ రాజీవ్‌కుమార్ మీనాను విశాఖపట్నం పోలీసు కమిషనర్‌గా బదిలీ చేశారు. ఇక్కడ పనిచేస్తున్న మహేష్‌చంద్ర లడ్హాను పోలీసు పర్సనల్ ఐజీగా నియమించారు. ఇక పోలీసు వెల్ఫేర్ అండ్ స్పోర్ట్స్ అదనపు డీజీగా ఎన్ శ్రీ్ధరరావు నియమితులయ్యారు. పీటీఓ ఐజీగా కె సత్యనారాయణ, ఏపీఎస్పీ ఐజీగా బీ శ్రీనివాసులు, గుంటూరు రేంజ్ ఐజీగా వినీత్ బ్రిజ్‌లాల్‌కు పోస్టింగ్ కల్పించారు. పోలీసు హెడ్ క్వార్టర్స్ డీఐజీగా ఘట్టమనేని శ్రీనివాస్, ఇంటిలిజెన్స్ డీఐజీగా సీహెచ్ శ్రీకాంత్, టెక్నికల్ సర్వీసెస్ డీఐజీగా జీ పాలరాజు, విశాఖ రేంజ్ డీఐజీగా ఎన్‌కేవీ రంగారావు నియమితులయ్యారు. అడ్మినిస్ట్రేషన్ అసిస్టెంట్ ఐజీగా ఎస్ హరికృష్ణ, ఇంటిలిజెన్స్ ఎస్పీగా కేవీ మోహనరావు, సీఐడీ ఎస్పీగా జీవీజీ అశోక్‌కుమార్, అనంతపురం ఏపీఎస్పీ బెటాలియన్ కమాండెంట్‌గా సర్వశ్రేష్ట త్రిపాఠి, పోలీసు హెడ్ క్వార్టర్స్‌కు కోయ ప్రవీణ్, గుంతకల్లు రైల్వే ఎస్పీగా విక్రాంత్ పాటిల్, విశాఖ లా అండ్ ఆర్డర్ డీసీపీగా ఎస్ రంగారావు, విజయవాడ రైల్వే ఎస్పీగా కె నారాయణ నాయక్, కర్నూలు ఏఎస్పీగా ఎం దీపికను నియమించారు. ఇక్కడ పనిచేస్తున్న జీ ఆంజనేయులును హెడ్ క్వార్టర్స్‌లో రిపోర్టు చేయాల్సిందిగా ఉత్తర్వుల్లో పేర్కొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.