రాష్ట్రీయం
జెఎన్‌టియుతో అమీతుమీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 14: తెలంగాణ రాష్ట్రంలో ఇంజనీరింగ్ కాలేజీల గుర్తింపు వివాదం మరోమారు వివాదాస్పదం కాబోతోంది. రాష్ట్రంలో జెఎన్‌టియు గుర్తింపుపై ప్రైవేటు యాజమాన్యాలు గుర్రుగా ఉన్నాయి. ప్రభుత్వ ఇంజనీరింగ్ కాలేజీల్లోనూ, స్వయంగా జెఎన్‌టియులోనూ ఎలాంటి సౌకర్యాలు లేకపోయినా ప్రైవేట్ కాలేజీలపై మాత్రం జెఎన్‌టియు కర్రపెత్తనం చేస్తోందని ఆరోపిస్తూ న్యాయవివాదానికి సైతం దిగాయి. ఒకవైపు ఫీజు రీయింబర్స్‌మెంట్ కింద సకాలంలో ఫీజులు వసూలుకాకపోవడం, మరోవైపు యూనివర్శిటీ, ప్రభుత్వ విధానాలతో సరిపడా విద్యార్ధులు లభించక, కాలేజీలు మూసుకునే పరిస్థితి ఏర్పడింది. 315 కాలేజీల్లో దాదాపు 174 కాలేజీలకు జెఎన్‌టియు గత ఏడాది గుర్తింపునిరాకరించింది. దానిపై కొన్ని యాజమాన్యాలు హైకోర్టును ఆశ్రయించి గుర్తింపు పొందినా, తరువాత సౌకర్యాలను కల్పించుకుంటేనే కాలేజీలకు గుర్తింపు కొనసాగించాలనే నిబంధన విధించింది. దాంతో గత ఏడాది గట్టెక్కిన కాలేజీలు ఈ ఏడాది గట్టెక్కుతాయనే పరిస్థితి కనిపించడం లేదు. ఈ క్రమంలో యూనివర్శిటీకి, కాలేజీల యాజమాన్యాలకూ పెద్ద గొడవే జరగనుందనిపిస్తోంది. ఈ ఏడాది అఫిలియేషన్‌కు మార్చి 20వ తేదీలోగా దరఖాస్తు చేసుకోవాలని జెఎన్‌టియు సూచించినా, 58 కాలేజీలు గుర్తింపునకు ముందుకు రాలేదు. కొన్ని యాజమాన్యాలు జెఎన్‌టియు తీరుపై ప్రత్యక్ష యుద్ధానికి దిగుతున్నాయి. అఫిలియేషన్ పర్యవేక్షక కమిటీలు అవి ఇచ్చే నివేదికలను యాజమాన్యాలు ప్రశ్నిస్తున్నాయి. పదే పదే కాలేజీలను వేధించడమే జెఎన్‌టియు పనిగా పెట్టుకుందని యాజమాన్యాల ప్రతినిధులు చెబుతున్నారు. గత ఏడాది 1.25 లక్షల సీట్లు ఉండగా, 70వేల సీట్లు మాత్రమే భర్తీ అయ్యాయని, దాదాపు యాజమాన్య కోటాతో కలిపి 40 వేల సీట్లు మిగిలిపోయాయని, ఈ ఏడాది ఇంతవరకూ ఎమ్సెట్ ఇంజనీరింగ్ విభాగానికి 1.43 లక్షలమంది దరఖాస్తు చేశారని ఈ ఏడాది సైతం సీట్లు మిగిలిపోయే పరిస్థితి వచ్చిందని యూనివర్శిటీ అధికారులు చెబుతున్నారు. అదనపు సీట్లకు అనుమతి ఇచ్చే బదులు కాలేజీల్లో నాణ్యతా ప్రమాణాలు పెంచడంపై తాము దృష్టిసారించామని జెఎన్‌టియు అధికారులు చెబుతున్నారు. కాగా ఇప్పటికే ఆన్‌లైన్ దరఖాస్తుకు దూరంగా ఉండిపోయిన 58 కాలేజీలకు యూనివర్శిటీ తాజాగా హెచ్చరికలు జారీ చేసింది. వారు వెంటనే అఫిలియేషన్ ప్రయత్నాలు చేసుకోవాలని లేకుంటే అడ్మిషన్ల సమయంలో తాము అనుమతించేది లేదని అధికారులు స్పష్టం చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.