రాష్ట్రీయం
90 రోజుల్లో నిపుణుల కమిటీ నివేదిక
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జూలై 15: ప్రభుత్వంలో ఆర్టీసీ విలీనానికి సంబంధించి ఏర్పాటైన నిపుణుల కమిటీ 90 రోజుల్లో నివేదిక ఇస్తుందని రాష్ట్ర రవాణా శాఖ మంత్రి పేర్ని నాని తెలిపారు. రాష్ట్ర శాసన మండలిలో ఆర్టీసీలో అద్దె బస్సుల యజమానుల సమస్యలపై సోమవారం సభ్యుడు జి.శ్రీనివాసులు అడిగిన ప్రశ్నకు బదులిస్తూ, ముందుగా ఉద్యోగుల విలీనానికి ప్రాధాన్యత ఇస్తున్నట్లు తెలిపారు. ప్రస్తుతం అద్దె బస్సుల్లో సిబ్బంది గురించి ఆలోచించలేమన్నారు. అద్దె బస్సుల ఒప్పందాన్ని నిబంధనల మేరకు పొడిగిస్తామన్నారు.
యువత నక్సల్స్‌వైపు ఆకర్షితులవుతున్నారు
గుంటూరు జిల్లా గురజాల నియోజకవర్గంలో ప్రభుత్వ భూముల లీజుపై సభ్యుడు జంగా కృష్ణమూర్తి అడిగిన ప్రశ్నపై జరిగిన చర్చలో టీడీపీ ఎమ్మెల్సీ డొక్కా మాణిక్యవర ప్రసాద్ మాట్లాడుతూ పల్నాడు ప్రాంతం వెనుకబడి ఉందన్నారు. దీనిని పారిశ్రామికంగా అభివృద్ధి చేసేందుకు దృష్టి సారించాల్సి ఉందన్నారు. ఉపాధి అవకాశాలు లేక యువత నక్సల్స్‌వైపు ఆకర్షితులవుతున్నారని ఆందోళన వ్యక్తం చేశారు. యువతను ఆ వైపు వెళ్లకుండా చూడాల్సి ఉందన్నారు. మంత్రి గౌతం రెడ్డి స్పందిస్తూ, వచ్చే ఐదేళ్లలో ఆ ప్రాంతాన్ని అభివృద్ధి చేస్తామన్నారు. పరిశ్రమల్లో 75 శాతం ఉద్యోగాలు స్థానికులకే ఇచ్చేలా చట్టం తీసుకురానున్నామని వెల్లడించారు. సభ ప్రారంభం కాగానే రాష్ట్రంలో శాంతిభద్రతలు, టీడీపీ కార్యకర్తలపై దాడుల గురించి చర్చించాలని టీడీపీ సభ్యులు ఇచ్చిన వాయిదా తీర్మానాన్ని చైర్మన్ షరీఫ్ తిరస్కరించారు. టీడీపీ సభ్యులపై దాడులు, మచిలీపట్నంలో ఆశా వర్కరు ఆత్మహత్యాయత్నం తదితర అంశాల నేపథ్యంలో చర్చ జరపాలని పట్టుబట్టారు. దీనిని చైర్మన్ అనుమతించలేదు. వేరే ఫార్మాట్‌లో వస్తే చర్చకు అనుమతిస్తామని స్పష్టం చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.