రాష్ట్రీయం
సామాన్య భక్తులకే ప్రాధాన్యం
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి : శ్రీవారి దర్శనార్థం తిరుమలకు వచ్చే భక్తుల సంఖ్య గణనీయంగా పెరుగుతున్న నేపథ్యంలో సామాన్య భక్తులకు త్వరితగతిన, సంతృప్తికరంగా స్వామివారి దర్శనం కల్పించాలన్నదే తమ ఆలోచన టీటీడీ చైర్మన్ వై.వి.సుబ్బారెడ్డి అన్నారు. మంగళవారం శ్రీవారి కోయిల్ ఆళ్వార్ తిరుమంజనంలో పాల్గొన్న ఆయన విలేఖరులతో మాట్లాడారు. ఈ సంఖ్యావర్గీకరణ వీఐపీ దర్శన విధానాలపై న్యాయ స్థానం కూడా అభ్యంతరం చెబుతోందన్న విషయాన్ని విలేఖరులు ఈ సందర్భంగా ఆయన దృష్టికి తీసుకువెళ్లారు. దీనిపై ఆయన స్పందిస్తూ న్యాయస్థానాలు చెప్పేంత వరకు తాను వేచి ఉండటం లేదని, ఎల్ 1, ఎల్ 2, ఎల్ 3 విధానాలను కచ్చితంగా మారుస్తామని, ఇందులో మరో ఆలోచనకు తావులేదన్నారు. ఈఓ, జేఈఓలతో కూడా తాను రెండు రోజుల క్రితం చర్చించానన్నారు. శ్రీవారి ఆలయంలో దర్శన విధానాల్లో మార్పులు తీసుకురావాలని పౌరులు న్యాయస్థానాన్ని ఆశ్రయించే పరిస్థితి వస్తున్నప్పుడు వారి మనోభావాలను గౌరవించి తగు రీతిలో విధానాల్లో మార్పులు తీసుకురావడం తమ బాధ్యతన్నారు. రెండు మూడు రోజుల్లో వీఐపీ దర్శనాల్లో కచ్చితమైన మార్పులు చేస్తామన్నారు. ఇందులో ప్రోటోకాల్ వీఐపీలకు, సాధారణ వీఐపీలకు ప్రత్యేక దర్శనం కల్పించాలన్న విధివిధానాలను, మార్గదర్శకాలను రూపొందిస్తామన్నారు. అవసరమైతే గురువారం నుంచే ఈ విధానాన్ని అమలు చేస్తామని ప్రత్యేకాధికారి ధర్మారెడ్డి తనతో చెప్పారన్నారు. మొత్తం మీద వీఐపీల సంఖ్యాశాస్త్ర వర్గీకరణాలకు చంద్రగ్రహణం రోజున గ్రహణం వీడటం ఖాయమని తేలిపోయింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.