రాష్ట్రీయం
హిందూ సంప్రదాయాల్లో కోర్టుల జోక్యం ఎందుకు?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 15: హిందూ సంప్రదాయాల వ్యవహారాల్లో కోర్టులు జోక్యం చేసుకోవడం సరైన విధానం కాదని విశాఖ శారదా పీఠాధిపతి స్వామి స్వరూపానందేంద్ర అన్నారు. శుక్రవారం ఇక్కడ ఫిల్మ్‌నగర్‌లో దైవ సన్నిధానం వద్ద సీతారాముల కళ్యాణం కార్యక్రమానికి ఆయన హాజరయ్యారు. ఈ సందర్భంగా ఆయన విలేఖర్లతో ముచ్చటిస్తూ, సంప్రదాయాలను బట్టే మతం ఉంటుందన్నారు. శబరిమలలో వృద్ధులైన మహిళలు, బాలికలకు ప్రవేశం ఉందన్నారు. కాని అక్కడ మహిళల ప్రవేశంపై మొదటి నుంచి కొన్ని నియమాలు ఉన్నాయన్నారు. భారతదేశంలో ప్రతి హిందువు చట్టాన్ని గౌరవిస్తున్నారన్నారు. ఇంటికి దీపం ఇల్లాలని, హిందూమతంలో అమ్మవారిని ఆరాధిస్తామన్నారు. ఏ ధర్మంలోనూ ఈ విధమైన ఆరాధన కనపడదన్నారు. హిందూమతం మహిళల పట్ల వివక్షతతో ఉందనే ప్రచారం సరికాదన్నారు. ఇదంతా చూస్తుంటే కుట్ర ఏమైనా జరుగుతోందా అనిపిస్తుందన్నారు. కొన్ని మతాల్లో మహిళల ముఖం కనిపించకుండా బట్టలు ధరిస్తారని, ఆ తరహా వివక్ష హిందూమతంలో లేదన్నారు. మత వ్యవహారాల్లో జోక్యం చేసుకునే ముందు ఆ మతానికి చెందిన ధార్మిక సంస్ధలు, పీఠాధిపతులను సంప్రదించడం మంచిదన్నారు. గర్భధారణ, రుతుస్రావం తదితర కారణాల వల్ల కొన్ని సందర్భాల్లో మహిళలు దేవాలయాల్లోకి రారని ఆయన చెప్పారు. కేవలం మైనార్టీ ఓటు బ్యాంకు దృష్టితోనే మైనార్టీలు, వారి మత సంప్రదాయాల జోలికి ప్రభుత్వాలు వెళ్లడం లేదని ఆయన అన్నారు. వాస్తవానికి ప్రభుత్వాలు హిందువుల పట్ల వివక్షత ప్రదర్శిస్తున్నాయన్నారు.
ఎస్‌ఐ అభ్యర్థుల నేరచరిత్ర
పరిశీలనకు ఈ-వెరిఫికేషన్
టి.పోలీసు రిక్రూట్‌మెంట్ బోర్డు వెల్లడి
ఆంధ్రభూమి బ్యూరో
హైదరాబాద్, ఏప్రిల్ 15: పోలీసు శాఖలో సబ్‌ఇన్‌స్పెక్టర్ (ఎస్‌ఐ) ఉద్యోగాల కోసం దరఖాస్తు చేసిన అభ్యర్థులకు నేరచరిత్ర ఏమైనా ఉందేమోనని పరిశీలన చేసేందుకు ఈ-వెరిఫికేషన్ పద్దతి అవలంభిస్తున్నట్లు తెలంగాణ రాష్ట్ర స్థాయి పోలీసు రిక్రూట్‌మెంట్ బోర్డు వెల్లడించింది. ఇందుకోసం వాల్యూపిట్చ్ అనే కంపెనీతో ఒప్పందం కుదుర్చుకున్నట్లు బోర్డు చైర్మన్ డాక్టర్ జె.పూర్ణచంద్రరావు తెలిపారు. ఇప్పటి వరకు ఆన్‌లైన్ అప్లికేషన్ విధానంలో తాము క్రిమినల్ కేసుల్లో ఉన్నట్లు 487 మంది అభ్యర్థులు తమంత తాముగా వెల్లడించారని ఆయన తెలిపారు. దాదాపుగా 2 లక్షల మంది అభ్యర్థులు ఈ ఉద్యోగాలకు దరఖాస్తు చేస్తే కేవలం 487 మంది మాత్రమే క్రిమినల్ కేసుల్లో ఉన్నట్లు స్వయం ధృవీకరణ ఇవ్వగా, చాలా మంది ఆ వివరాలను భర్తీ చేయకుండా వదిలి వేస్తున్నారని చెప్పారు. కానీ సమాచారాన్ని దాచడం వల్ల ఎలాంటి ఉపయోగం ఉండదని, ఉద్యోగంలో ఎంపికైనప్పుడు నేర చరిత్ర ఉన్నట్లు ధృవీకరణ అయితే ఉద్యోగానికి అనర్హులవుతారని పూర్ణచంద్రరావు తెలిపారు. అయితే నేర చరిత్ర ఉన్నట్లు ధృవీకరించడం వల్ల ప్రస్తుతం రాసే పరీక్షకు ఎలాంటి అడ్డంకి ఉండదని, ఉద్యోగానికి ఎంపికైన తర్వాతే ఈ అంశాన్ని లోతుగా పరిశీలించడం జరుగుతుందని స్పష్టం చేశారు. కాబట్టి ప్రతి ఒక్క అభ్యర్థి దాచకుండా తమకు ఏదైనా నేరచరిత్ర ఉంటే ఆ సమాచారాన్ని ఇవ్వాలని సూచించారు.
సిబిఐ కోర్టుకు జగన్
మనీలాండరింగ్ కేసు
ఆంధ్రభూమి బ్యూరో
హైదరాబాద్, ఏప్రిల్ 15: జగన్ అక్రమాస్తుల కేసులో జగతి పబ్లికేషన్స్‌పై మనీ లాండరింగ్ చట్టం కింద నమోదైన కేసులను మెట్రోపాలిటన్ సెషన్స్ జడ్జి కోర్టు నుంచి సిబిఐ ప్రత్యేక కోర్టుకు బదలాయించాలని హైకోర్టు శుక్రవారం ఆదేశించింది. ఈ కేసులను ఎన్‌ఫోర్స్‌మెంట్ డైరెక్టరేట్ మెట్రోపాలిటన్ సెషన్స్ కోర్టులో దాఖలు చేసింది. ఈ కేసులను మెట్రోపాలిటన్ సెషన్స్ కోర్టు నుంచి సిబిఐ ప్రత్యేక కోర్టుకు బదలాయించాలని కోరుతూ ఆడిటర్ విజయసాయిరెడ్డి హైకోర్టులో పిటిషన్‌ను దాఖలు చేశారు. అంతకు ముందు సిబిఐ ఈ కేసులో ఈ సంస్థలపై కేసులు నమోదు చేసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.