రాష్ట్రీయం
‘ప్రత్యామ్నాయం’తోనే భూ వివాదాలకు తెర
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్ : ప్రత్యామ్నాయ వివాదాల పరిష్కార పద్ధతులను అనుసరించడం ద్వారానే భూ వివాదాలకు తెరదించవచ్చని ద ఇంటర్నేషనల్ సెంటర్ ఫర్ ఆల్టర్‌నేటివ్ డిస్ప్యూట్స్ రిసొల్యూషన్ ప్రాంతీయ కేంద్రం కార్యదర్శి జేఎల్‌ఎన్ మూర్తి పేర్కొన్నారు. మిషన్ భగీరథ ఇంజనీర్లకు ప్రత్యామ్నాయ వివాదాల పరిష్కార పద్ధతులు, ఇటీవల వచ్చిన సవరణలపై రెండు రోజుల పాటు నిర్వహించే వర్కుషాప్ సోమవారం నాడు ప్రారంభమైంది. మిషన్ భగీరథ విభాగం ఎన్‌ఆర్‌టీజీ భవనం ఇంజనీర్ ఇన్ చీఫ్ ఆఫీసులో నిర్వహించిన ఈ వర్కుషాప్‌కు మిషన్ భగీరథ విభాగం ఇంజనీర్ ఇన్ చీఫ్ జీ కృపాకర్‌రెడ్డి గౌరవ అతిథిగా , చీఫ్ ఇంజనీర్ ప్లానింగ్ , నీటి పారిశుద్ధ్య మిషన్ డైరెక్టర్ వినోబాదేవి మరో అతిథిగా హాజరయ్యారు. ఈ సందర్భంగా జేఎల్‌ఎన్ మూర్తి మాట్లాడుతూ న్యాయ నిర్ణయంలో చేయడంలో జరుగుతున్న జాప్యం కారణంగా వివాదకర్తల్లో అసహనం, అసంతృప్తి కలగడంతో వారు న్యాయం కోసం కోర్టులను ఆశ్రయించడం జరుగుతోందని, న్యాయం సకాలంలో సముచితంగా జరగాలని అన్నారు. ప్రభుత్వం వివాదాల పరిష్కారానికి ఏడీఆర్ పద్ధతులను ప్రోత్సహిస్తోందని చెప్పారు. ఈ సందర్భంగా ఆయన చట్టంలో ప్రధానాంశాలను వివరించారు. కోర్టుల ద్వారా మధ్యవర్తి నియామకంపై కాలపరిమితి నిర్ణయించారని, అవార్డు ఇవ్వడానికైనా ఆర్బిట్రల్ ట్రిబ్యునల్స్‌కు సైతం కాలపరిమితిని నేడు నిర్ణయించారని, దీనివల్ల వేగంగా మధ్యవర్తిత్వం సాధ్యమని అన్నారు. వివాదాల విలువ ఆధారంగా తాత్కాలిక మద్యవర్తులకు ఫీజు అందుతుందని, వాయిదాలు వేసేందుకు కూడా పరిమితులు విధించారని, మద్యకాలీన ఉత్తర్వుల తర్వాత మధ్యవర్తిత్వ కార్య వ్యవహారాలు ప్రారంభించడానికి కూడా నిర్ధారణ చేయడం జరుగుతుందని అన్నారు. ప్రభుత్వ విధానాలకు లోబడే కోర్టుల జోక్యం వరకూ రాకుండానే సమస్యలను పరిష్కరించడం జరుగుతుందని, ఖర్చులు తగ్గుతాయని సూచించారు.
శిక్షణ కార్యక్రమంలో మాట్లాడుతున్నజేఎల్‌ఎన్ మూర్తి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.