రాష్ట్రీయం
హైదరాబాద్‌కు మరో కీర్తి కిరీటం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 21: హైదరాబాద్ నగర సిగలో మరో కీర్తి కిరీటం వెలిసింది. ప్రముఖ ఈ- కామర్స్ దిగ్గజం అమెజాన్ సంస్థ ప్రపంచంలోనే అతిపెద్ద క్యాంపస్‌ను బుధవారం హైదరాబాద్‌లో ప్రారంభించింది. ముఖ్యమంత్రి కేసీఆర్ కలెక్టర్ల మీటింగ్‌లో బిజీగా ఉండటంతో హోంమంత్రి మహమూద్ అలీ దీనిని ప్రారంభించారు. ప్రపంచంలో అతి పెద్ద అమెజాన్ క్యాంపస్ ప్రారంభించడం చాలా సంతోషంగా ఉందని హోం మంత్రి ప్రకటించారు. హైదరాబాద్ ఐటీ రంగంలో అత్యంత వేగంగా ఎదుగుతున్న నగరమని , ఈ రంగంలో తమ ప్రభుత్వం అధికారంలోకి వచ్చాక 2014లో 52వేల కోట్లు ఎగుమతులుంటే అది నేడు లక్ష కోట్లకు పెరిగాయని
అన్నారు. రాష్ట్రంలో ఆరు లక్షల మంది ఉద్యోగులు ఐటీ రంగంలో ఉన్నారని పేర్కొన్నారు. అమెరికా వెలుపల నెలకోల్పిన మొట్టమొదటి క్యాంపస్ అదే కావడం హైదరాబాద్‌కు గర్వకారణమని అన్నారు. ఇందులో ఎక్కవ మంది ఉద్యోగులు హైదరాబాద్‌కు చెందిన వారు కావడం విశేషమని అన్నారు. హైదరాబాద్‌లో మూడు అమెజాన్ బిజినెస్ సెంటర్లు ఉన్నాయని, వీటితో 20వేల చిన్న వ్యాపార సంస్థలు పనిచేస్తున్నాయని, హైదరాబాద్ నేడు ప్రపంచంలో అతి పెద్ద ఐటీ కంపెనీలకు కేంద్రంగా మారిందని అన్నారు. యాపిల్, అమెజాన్, గూగుల్, మైక్రోసాఫ్ట్, ఫేస్‌బుక్,క్వాల్‌కం, ఇంకా ఎన్నో కంపెనీలు హైదరాబాద్‌లో తమ బేస్ కంపెనీలను ప్రారంభించాయని చెప్పారు. టీఎస్‌ఐపాస్ పేరిట పరిశ్రమలకు సరళీకృత విధానాన్ని ప్రభుత్వం తెచ్చిందని అన్నారు. సరళీకృత వ్యాపారంలోనూ తెలంగాణ అగ్రస్థానంలో ఉందని, మంచి వాతావరణం, అనుకూల వౌలిక సదుపాయాలు హైదరాబాద్‌లో ఉన్నాయని చెప్పారు. హైదరాబాద్‌లో డాటా సెంటర్ ఆపరేషన్స్‌ను కూడా ప్రారంభించాలని హోం మంత్రి సూచించారు. ఈ కార్యక్రమంలో రాష్ట్ర ఐటీశాఖ ముఖ్య కార్యదర్శి జయేశ్ రంజన్, అమెజాన్ ఇండియా సీనియర్ వైస్ ప్రెసిడెంట్ అమిత్ అగర్వాల్, అమెజాన్ గ్లోబల్ రియల్ ఏస్టేట్ అండ్ ఫెసిలిటీస్ డైరెక్టర్ జాన్ స్కోట్లర్ తదితరులు హాజరయ్యారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.