రాష్ట్రీయం
బీసీల్లో చేర్చేందుకు పలు కులాల అభ్యర్థన
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, ఆగస్టు 25: దేశవ్యాప్తంగా పలు అల్పసంఖ్యాక కులాలు బీసీల్లో చేర్చమని డిమాండ్ ఉందని జాతీయ బీసీ కమిషన్ సభ్యుడు ఆచారి తల్లూరి స్పష్టం చేశారు. దీనిపై కేంద్ర బీసీ కమిషన్ నిబంధనల మేరకు సమగ్ర విచారణ అనంతరం చర్యలు తీసుకుంటామని విశాఖ పర్యటన సందర్భంగా ఆదివారం ఆయన స్పష్టం చేశారు. ఎస్సీ,ఎస్టీల హక్కుల పరిరక్షణకు ఉన్న విధంగానే బీసీల హక్కుల పరిరక్షణకు బీసీ కమిషన్ ఏర్పాటుచేస్తూ కేంద్రం చట్టం చేసిందన్నారు. దేశంలోని కేరళ, పాండిచ్చేరి సహా అయిదు రాష్ట్రాల్లో మాత్రమే బీసీ కమిషన్లు పనిచేస్తున్నాయని అన్నారు. జాతీయ బీసీ కమిషన్ పలు రాష్ట్రాల్లో పర్యటించి ఆయా ప్రాంతాల్లో బీసీల స్థితిగతులపై ప్రధాన మంత్రికి నివేదిక అందించనున్నట్టు వెల్లడించారు. బీసీ పార్లమెంటరీ కమిటీ, బీసీ కమిషన్ సమావేశమై వాస్తవ పరిస్థితులు చర్చించాయి. ఏపీపీలో దాదాపు 25 చిన్న కులాలు ఓబీసీల్లో చేర్చాలంటూ విజ్ఞప్తి చేశాయన్నారు. బీసీ కమిషన్లు, కార్పొరేషన్ల ద్వారా లబ్ధి పొందుతున్న వర్గాలు ఏమేరకు అభివృద్ధి సాధించాయో పరిశీలించి కేంద్రానికి నివేదించనున్నట్టు తెలిపారు. బీసీ వర్గాల సమస్యల విషయంలో పలు అంశాలను అధ్యయనం చేస్తున్నట్టు ఆయన తెలిపారు. వెనుకబడిన వర్గాలకు ఎటువంటి అన్యాయం జరిగినా కమిషన్ దృష్టికి తీసుకువస్తే సమగ్ర విచారణ జరిపి చర్యలు తీసుకుంటామన్నారు. బీసీ కమిషన్ సభ్యుడు ఆచారి తల్లూరికు జిల్లా కలెక్టర్ వినయ్‌చంద్ గౌరవ స్వాగతం పలికారు.
చిత్రం... విలేఖరులతో మాట్లాడుతున్న జాతీయ బీసీ కమిషన్ సభ్యుడు ఆచారి తల్లూరి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.