రాష్ట్రీయం
తెలంగాణ గవర్నర్‌గా తమిళిసై ప్రమాణం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 8: డాక్టర్ తమిళిసై సౌందరరాజన్ తెలంగాణ రాష్ట్ర గవర్నర్‌గా ఆదివారం ఉదయం ప్రమాణం చేశారు. రాజ్‌భవన్ లాన్స్‌లో ప్రత్యేకంగా ఏర్పాటు చేసిన వేదికనుండి ఉదయం 11 గంటలకు పదవీ ప్రమాణం చేశారు. 11 గంటలకు ఒక నిమిషం ముందు తమిళిసై వేదికపైకి వచ్చారు. ముఖ్యమంత్రి కేసీఆర్ కూడా వేదికపై ఆసీనులయ్యారు. సరిగ్గా ఉదయం 11 గంటలకు జాతీయ గీతంలో కార్యక్రమం ప్రారంభమైంది. తమిళిసై సౌందరరాజన్‌ను తెలంగాణ గవర్నర్‌గా నియమిస్తూ రాష్టప్రతి జారీ చేసిన ‘వారంట్ ఆఫ్ అపాయింట్‌మెంట్’ ఆర్డర్‌ను ప్రభుత్వ ప్రధాన కార్యదర్శి ఎస్‌కే జోషి చదివి వినిపించారు. వారెంట్ ఆఫ్ అపాయింట్‌మెంట్ గురించి కేంద్ర ప్రభుత్వం గెజిట్ నోటిఫికేషన్ జారీ చేయగా, దానికి అనుగుణంగా తెలంగాణ రాష్ట్ర ప్రభుత్వం కూడా గెజిట్ నోటిఫికేషన్ ఇటీవలే జారీ చేసింది. వారెంట్ ఆఫ్ అపాయింట్‌మెంట్‌ను జోషి చదివి వినిపించిన తర్వాత తెలంగాణ హైకోర్టు
ప్రధాన న్యాయమూర్తి జస్టిస్ రాఘవేంద్ర సింగ్ చౌహాన్ మైక్ వద్దకు వచ్చి తమిళిసై సౌందర్‌రాజన్ చేత ఇంగ్లీషులో ప్రమాణం చేయించారు.
ప్రమాణ పత్రం సారాంశం ఇలా ఉంది. ‘డాక్టర్ తమిళిసై సౌందర్‌రాజన్ అనే నేను భగవంతుడి సాక్షిగా ప్రమాణం చేస్తూ, తెలంగాణ గవర్నర్‌గా నమ్మకంతో వినమ్రతతో పనిచేస్తానని, భారత రాజ్యాంగాన్ని పరిరక్షిస్తూ, చట్టాలను అమలుచేయడంలో నా శక్తి సామర్థ్యాలను ఉపయోగిస్తానని, తెలంగాణ ప్రజల హక్కులను కాపాడుతూ, వారి సేవలో నిమగ్నమై ఉంటానని ప్రమాణం చేస్తున్నా’ను అంటూ ముగించారు.
ప్రమాణం చేసిన వెంటనే ముఖ్యమంత్రి కేసీఆర్, హైకోర్టు ప్రధాన న్యాయమూర్తి రాఘవేంద్ర సింగ్ చౌహాన్ తమిళిసైకి పుష్పగుచ్ఛాలు అందించి సన్మానించారు. ప్రమాణ స్వీకారం మూడు నిమిషాల్లో ముగిసినప్పటికీ ప్రధాన కార్యక్రమం మొత్తం ఎనిమిది నిమిషాల్లో పూర్తయింది.
చిత్రం...తెలంగాణ గవర్నర్‌గా ప్రమాణ స్వీకారం చేస్తున్న తమిళిసై సౌందరరాజన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.