రాష్ట్రీయం
నల్లమల బంద్ విజయవంతం
S ,7 à 8 RSCA (si SASPAS) et 6 cialis pharmacie cialis rapports de stage.
అమ్రాబాద్, సెప్టెంబర్ 9: నాగర్‌కర్నూల్ జిల్లా నల్లమల ప్రాంతంలోని అమ్రాబాద్, పదర మండలాల పరిధిలో యురేనియం తవ్వకాలను నిరసిస్తూ సోమవారం కాంగ్రెస్ ఆధ్వర్యంలో నిర్వహించిన రెండు మండలాల బంద్ విజయవంతమైంది. ఈ మండలాల పరిధిలో వ్యాపారులు, హోటళ్లు స్వచ్ఛందంగా మూశారు. ప్రభుత్వ, ప్రైవేట్ విద్యా సంస్థలను బంద్ చేయించారు. మధ్యాహ్నం వరకు ఆర్టీసీ బస్సులు, ప్రైవేట్ వాహనాలు ఎక్కడికక్కడే నిలిచిపోయాయి. ఈ ప్రాంతంలోని ఆయా గ్రామాలకు చెందిన కాంగ్రెస్ నేతలు, కార్యకర్తలు, జేఎసీ నేతలు, మహిళలు, యువకులు, విద్యార్థులు పెద్దసంఖ్యలో మన్ననూర్ శ్రీశైలం-హైదరాబాద్ ప్రధాన రహదారిని దిగ్బంధించి సుమారు రెండు గంటల పాటు రాస్తారోకోను నిర్వహించారు. ఈ సందర్భంగా మాట్లాడుతున్న డీసీసీ అధ్యక్షుడు డాక్టర్ వంశీకృష్ణ, జేఏసీ నేతలను అచ్చంపేట డీఎస్పీ నర్సింహులు ఆధ్వర్యంలో పోలీసులు అక్కడికి వచ్చి అరెస్టు చేసేందుకు ప్రయత్నిస్తుండగా నిరసనకారులు అడ్డుకొని కొంతసేపు నినాదాలతో హోరెత్తించారు. ఈ సందర్భంగా పోలీసులకు, నిరసనకారులకు పెద్ద ఎత్తున తోపులాట జరిగింది. భారీ సంఖ్యలో చేరుకున్న పోలీస్ బలగాలు కొంత సమయం తరువాత డీసీసీ అధ్యక్షుడు వంశీకృష్ణతోపాటు పలువురు నాయకులను బలవంతంగా పోలీస్‌స్టేషన్‌కు బలవంతంగా తీసుకొని పోయారు. ఈ సందర్భంగా అడ్డుకున్న కార్యకర్తలను పోలీసులు చెదరగొట్టారు. కొంతమంది రోడ్డుపైనే బైఠాయించగా, మరికొందరు మహిళలు, యువకులు మన్ననూర్‌లోని పోలీస్‌స్టేషన్ ముందు పెద్ద ఎత్తున నినాదాలు చేస్తూ అరెస్టు చేసిన నేతలను వెంటనే విడుదల చేయాలని డిమాండ్ చేశారు. పరిస్థితి అదుపుతప్పుతుందనే ఉద్దేశంతో అరగంట తరువాత అరెస్టు చేసిన నేతలను పోలీసులు వదిలిపెట్టడంతో నిరసన కారులు శాంతించి అక్కడి నుంచి వెళ్లిపోయారు. యురేనియం తవ్వకాలతో జరిగే అనార్థాలపై రాస్తారోకో కార్యక్రమంలో పలువురు కాంగ్రెస్ నేతలు, జేఎసీ నాయకులు మాట్లాడారు. ఈ సందర్భంగా నల్లమల కళాకారుల వేదిక వారు పాడిన పాటలు ఆకట్టుకున్నాయి. ఈ కార్యక్రమంలో డీసీసీ అధ్యక్షుడు వంశీకృష్ణ, ఎంపీపీ అవుట శ్రీనివాసులు, జేఏసీ కన్వీనర్ నాసరయ్య, యురేనియం వ్యతిరేక పోరాట కన్వీనర్ దాసరి నాగయ్య, జేఎసీ, కాంగ్రెస్ నాయకులు ద్రోణాచారి, బాలకిష్ఠయ్య, రహీం, లింగం, మల్లికార్జున్, జడ్పీటీసీ ఆనురాధలతోపాటు కాంగ్రెస్ నేతలు, కార్యకర్తలు ఉన్నారు. డీఎస్పీ ఆధ్వర్యంలో పలువురు సీఐలు, ఎస్సైలు, పోలీసులు భారీ సంఖ్యలో చేరుకొని పరిస్థితిని అదుపులోకి తీసుకొచ్చారు. రోడ్డుకు ఇరువైపులా పెద్ద ఎత్తున వాహనాలు నిలిచిపోవడంతో ప్రయాణికులు తీవ్ర ఇబ్బందులను ఎదుర్కొన్నారు.
చిత్రం...నల్లమలలో యురేనియం తవ్వకాలకు నిరసనగా శ్రీశైలం-హైదరాబాద్ ప్రధాన రహదారిపై బైఠాయించిన కాంగ్రెస్ కార్యకర్తలు, ప్రజలు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.