రాష్ట్రీయం
ఘనంగా చండీయాగ పూజలు
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, అక్టోబర్ 16: ఖమ్మం జిల్లా కల్లూరు మండలం నారాయణపురం గ్రామంలో ఆ గ్రామ వాస్తవ్యులు, మాజీ ఎంపీ శ్రీనివాసరెడ్డి ఆధ్వర్యంలో జరుగుతున్న సహస్ర చండీయాగం పూజలు 4వ రోజు బుధవారం అత్యంత వైభవంగా నిర్వహించారు. ఈ సందర్భంగా అమ్మవారి మండపంలో ఉదయం పీఠాధిపతులు, పండితులు, అర్చకులు వేద మంత్రాలు ఉచ్ఛరిస్తూ పూజలు, యాగాలు నిర్వహించారు. సాయంకాల సమయాన నవాక్షరీ మూల మంత్ర అనుష్ఠానం, ప్రముఖులచే ప్రసంగాలు, అష్టావధాన సేవ, రుద్ర క్రమార్చనలు, తీర్థప్రాశనం వంటి పూజలను నిర్వహించారు. చండీయాగ కార్యక్రమానికి చినజీయర్‌స్వామితో పాటు పీఠాధిపతులు స్వరూపానందేంద్ర స్వామి, శ్రీవామనాశ్రమస్వామి, మాధవానంద సరస్వతి హాజరై తమ ప్రవచనాలను అమ్మవారి మండపంలో వినిపించగా హాజరైన భక్తులు ఆసక్తితో విన్నారు. యాగ పూజలను నిర్వహిస్తూండగా మరో వైపు హాజరైన మహిళలతో పండితులు కుంకుమ పూజలు చేయించి తీర్థ ప్రసాదాలను, యాగపూజలను చూసి తరించేందుకు ఇతర రాష్ట్రాలు, జిల్లాలు, మండల కేంద్రాల నుండి భక్తులు తరలి రావటంతో ఉదయం నుండి మండప ప్రాంగణమంతా రద్దీగా మారింది. యాగ పూజల్లో పాల్గొనేందుకు వచ్చిన మంత్రి సత్యవతి రాథోడ్‌ను పొంగులేటి దంపతులు ఆహ్వానించి అమ్మవారి ఙ్ఞపికను అందజేశారు. ఈ కార్యక్రమానికి మంత్రితో పాటు స్పీకర్ పోచారం శ్రీనివాసరెడ్డి, ఎంపీ కేశవరావు, సత్తుపల్లి, తిరువూరు, జగ్గయ్యపేట ఎమ్మెల్యేలు సండ్ర వెంకటవీరయ్య, రక్షణనిధి, సామినేని ఉదయభాను, ఎమ్మెల్సీ బాలస్వామి లక్ష్మీ నారాయణ, మాజీ ఎమ్మెల్యేలు తాటి వెంకటేశ్వరరావు, మచ్ఛానాగేశ్వరరావుతో పాటు అనేక మంది ప్రముఖులు హాజరై జరగుతున్న పూజ కార్యక్రమాలను తిలకించారు.
*చిత్రం...యాగం నిర్వహిస్తున్న చినజీయర్‌స్వామి, పొంగులేటి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.