రాష్ట్రీయం
కేసీఆర్ సభపై ఈసీకి ఫిర్యాదు చేస్తాం: కాంగ్రెస్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్ : హుజూర్‌నగర్‌లో ముఖ్యమంత్రి కేసీఆర్ బహిరంగ సభకు టీఆర్‌ఎస్ పార్టీ అధికార దుర్వినియోగానికి పాల్పడుతూ లక్షలాది రూపాయలు ఖర్చుపెడుతోందని మాజీ మంత్రి, సీనియర్ కాంగ్రెస్ నేత మర్రి శశిధర్ రెడ్డి విమర్శించారు. బుధవారం ఆయన ఇక్కడ గాంధీ భవన్‌లో విలేఖర్లతో మాట్లాడుతూ, ఈ అంశాన్ని ఎన్నికల సంఘం దృష్టికి తీసుకెళ్లనున్నట్లు చెప్పారు. ఇప్పటికే తమ పార్టీ ఫిర్యాదుచేసిందన్నారు. సీఎంకు చెందిన ఒక టీవీ చానల్, మీడియాలో భారీగా ప్రకటనలు ఇస్తున్నారని, వీటిని ఎన్నికల ఖర్చులో భాగంగా చూడాలన్నారు. పెద్ద ఎత్తున మద్యంట, డబ్బును పంపిణీ చేస్తున్నాన్నారు. వీటిని అరికట్టాలని ఎన్నికల ప్రదానాధికారి రజిత్ కుమార్‌ను కోరామన్నారు. ఈ ఉప ఎన్నికల్లో ఓడిపోతామనే భయం టీఆర్‌ఎస్‌కు పట్టుకుందన్నారు. ఆర్టీసీ కార్మికుల ఆత్మహత్యలకు సీఎం కేసీఆర్ బాధ్యత వహించాలన్నారు. కేసీఆర్ వళ్లు పెట్టుకుని పనిచేయాలంటే హుజూర్‌నగర్‌లో కాంగ్రెస్‌ను గెలిపించాలన్నారు. మంత్రులు మహమూద్ అలీ, జగదీశ్వర్ రెడ్డిలు నిర్వహించిన ఆత్మీయ సమ్మేళనం ఎన్నికల కోడ్ ఉల్లంఘన దృష్టికి వస్తుందన్నారు. వీరిపై కేసులు నమోదు చేయాలన్నారు. హుజూర్‌నగర్ సభలో విధానపరమైన ప్రకటనలు చేసినా చర్యలు తీసుకోవాలని ఆయన ఎన్నికల సంఘాన్ని కోరారు. టీపీసీసీ అధికార ప్రతినిధి సతీష్ మాదిగ మాట్లాడుతూ ఆర్టీసీ సమ్మెతో అన్ని ఉద్యోగ సంఘాలు సకల జనుల సమ్మెకు సమాయత్తమవుతన్నాయని, కేసీఆర్‌ను గద్దె దించేంత వరకు మాదిగ దండోరా ఉద్యమాన్ని కొనసాగిస్తామన్నారు. కేసీఆర్ ఎక్కడ బహిరంగ సభలు పెట్టినా అడ్డుకుంటామన్నారు. బీజేపీ, టీఆర్‌ఎస్ రెండూ తోడుదొంగలని, వీళ్లు మేకవనె్న పులులన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.