రాష్ట్రీయం
జనవరి 8న దేశవ్యాప్త సమ్మె
S ,7 à 8 RSCA (si SASPAS) et 6 cialis pharmacie cialis rapports de stage.
రాజమహేంద్రవరం, నవంబర్ 19: కేంద్ర ప్రభుత్వం అనుసరిస్తున్న కార్మిక, కర్షక వ్యతిరేక విధానాలకు వ్యతిరేకంగా వచ్చే ఏడాది జనవరి 8న జరిగే దేశవ్యాప్త సమ్మెను భారత్ బంద్ మాదిరిగా నిర్వహించడానికి సన్నద్ధమవుతున్నట్టు సీఐటీయూ జాతీయ అధ్యక్షురాలు డాక్టర్ హేమలత వెల్లడించారు. తూర్పు గోదావరి జిల్లా రాజమహేంద్రవరంలో మంగళవారం ఆమె విలేఖర్లతో మాట్లాడారు. కేంద్ర ప్రభుత్వం అనుసరిస్తున్న కార్మిక వ్యతిరేక విధానాలను నిరసిస్తూ సెప్టెంబర్‌లో ఢిల్లీలో జరిగిన కేంద్ర కార్మిక సంఘాల సమావేశంలో జనవరి 8న దేశవ్యాప్తంగా సార్వత్రిక సమ్మెను నిర్వహించాలని నిర్ణయించినట్టు తెలిపారు. ఆ సమ్మెను జయప్రదం చేయడానికి సీఐటీయూ ఆధ్వర్యంలో దేశవ్యాప్తంగా కార్మికులను ఐక్యంచేసే కార్యాచరణతో ముందుకు సాగుతున్నామన్నారు. ప్రస్తుతం దేశం ఆర్థిక మాంద్యంతో కొట్టుమిట్టాడుతోందని, అనేక ప్రైవేటు కంపెనీలు సైతం సంక్షోభంలోకి నెట్టబడుతున్నాయన్నారు. ఇప్పటికే లక్షలాది మంది ఉద్యోగాలు కోల్పోయారని, రానున్న కొద్ది కాలంలో మరో పది లక్షల మంది వరకు ఉద్యోగాలు కోల్పోయే పరిస్థితులు కన్పిస్తున్నాయని ఆందోళన వ్యక్తం చేశారు. ఐటీ, నిర్మాణరంగం, గార్మెంట్స్, టెక్స్‌టైల్స్ వంటి రంగాల్లో పనిచేస్తున్న ఉద్యోగులు రోడ్డున పడాల్సిన పరిస్థితులు నెలకొన్నాయన్నాయన్నారు. కేంద్ర ప్రభుత్వం అనుసరిస్తున్న విధానాల వల్ల ప్రజల కొనుగోలు శక్తి రోజు రోజుకూ క్షీణిస్తోందన్నారు. ప్రజల కొనుగోలు శక్తి పెంపుదల పేరుతో కార్పొరేట్ కంపెనీలకు కేంద్ర ప్రభుత్వం రూ.2.1 లక్షల కోట్ల రాయితీలను ఇచ్చిందని, ఈ రాయితీ సొమ్మును ఉత్పాదక రంగంపై పెట్టినట్టయితే మంచి ఫలితాలు వచ్చేవని ఆమె అభిప్రాయపడ్డారు. ప్రభుత్వ, ప్రైవేటు రంగాల్లో లక్షలాదిగా ఉపాధి కోల్పోతున్న కార్మికులకు నష్టపరిహారం చెల్లించాల్సిన అవసరం ఉందని హేమలత పేర్కొన్నారు. రెండోసారి అధికారంలోకి వచ్చిన బీజేపీ ప్రభుత్వం రక్షణ రంగానికి సంబంధించిన ఉత్పత్తి రంగాన్ని ప్రైవేటు కంపెనీలకు అప్పగించిందన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.