రాష్ట్రీయం
గాలి నుంచి నీరు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: దేశంలో మొట్టమొదటిసారిగా సికిందరాబాద్ రైల్వే స్టేషన్‌లో ‘గాలి నుంచి నీరు ఉత్పత్తి’ ప్రయోగాత్మకంగా అమలు చేశారు. ఎలాంటి కాలుష్యం లేకుండా స్వచ్ఛమైన
మంచినీటిని రైల్వే ప్రయాణికులకు గురువారం నుంచి అందుబాటులోకి తీసుకువచ్చారు. గాలి నుంచి నీటిని ఉత్పత్తి చేసే పరికరాన్ని ‘ఆట్మోస్పియరిక్ వాటర్ జనరేటర్’ కియోస్క్ సంస్థ ఏర్పాటు చేసింది. ఈ యంత్రానికి ‘మేఘ్‌దూత్’ అని పేరుపెట్టారు. గాలి నుంచి అంచెలంచెలుగా నీటిని నేరుగా సంగ్రహించడం అనే పద్ధతి ఈ వ్యవస్థలోని ప్రధాన అంశం. గాలి వడబోత పద్ధతి ద్వారా యంత్రంలోకి ప్రసరించడం వల్ల గాలిలోని తేమలో ఉండే కాలుష్యాల వడబోత జరుగుతుంది. వడబోత అయిన గాలి ఒక చల్లని గదిలోకి వెళ్ళి ఘనీభవిస్తుంది. ఈ ఘనీభవించిన గాలి నీటి బిందువులుగా మారి అక్కడ ఏర్పాటు చేసిన పాత్రలో పడుతుంది. అలా పట్టుబడిన నీరు అనేక స్థాయిల్లో వడబోతకు గురవడం వల్ల దాన్లోని చెడు వాసన, ఇతర కలుషితాలు హరిస్తాయి. ఆల్ట్రా వయొలెట్ (యువీ) సిస్టం ద్వారా ప్రవహిస్తుంది. ఈ విధంగా సేకరించిన నీటిలో అవసరమైన ఖనిజ లవణాలను కలుపుతారు. దీంతో అది తాగడానికి మంచినీరుగా వినియోగంలోకి వస్తుంది. ఈ పద్ధతిలో తయారైన నీటిని ప్రపంచ ఆరోగ్య సంస్థ డబ్ల్యూహెఓ గుర్తించింది. భారతీయ ప్రమాణాలకు అనుగుణంగా ఉంటుంది. సురక్షితమైన, ఆరోగ్యకరమైన నీటిని అందించే ఈ పద్ధతికి కేంద్ర జలశక్తి మంత్రిత్వ శాఖ ఆమోదం లభించింది. కియోస్క్ రూపొందించిన యంత్రం ద్వారా రోజూ 1,000 లీటర్ల నీటిని గాలి నుంచి ఉత్పత్తి చేస్తుంది. లీటర్ బాటిల్ మంచినీటిని రూ.8 రూపాయలకు విక్రయిస్తున్నారు. బాటిల్ లేకుండా మంచినీటిని రూ.5 రూపాయలకు ప్రయాణికులకు ఇస్తున్నారు. ఈ స్టోరేజీ ట్యాంక్ స్టెయిన్‌లెస్ స్టీల్‌తో తయారు చేశారు. వీటిలో ఎక్కువ రోజులు నీటిని నిల్వచేసుకోవడానికి అవకాశం ఉందని అధికారులు తెలిపారు. పర్యావరణ రహితంగా, నీటి వనరులు లేకున్నా గాలితో నీటిని కియోస్క్ తయారు చేస్తుంది. దేశంలో దశల వారీగా కియోస్క్ యంత్రాన్ని అమలులోకి తీసుకువస్తామని దక్షిణ మధ్య రైల్వే జీం గజానన్ వెల్లడించారు. కియోస్క్ యంత్రాన్ని రూపొందించిన అధికారులను. సిబ్బందిని జీఎం ప్రశంసించారు. జోన్ పరిధిలోని ముఖ్యమైన రైల్వే స్టేషన్‌లలో కియోస్క్ యంత్రాన్ని అమలులోకి తీసుకురావాలని జీఎం అధికారులకు సూచించారు.
*చిత్రం...రైల్వే ప్రయాణికులకు నీటిని అందిస్తున్న కియోస్క్ సంస్థ ప్రతినిధులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.