రాష్ట్రీయం
కృష్ణలో మునిగి నలుగురు మృతి
S ,7 à 8 RSCA (si SASPAS) et 6 cialis pharmacie cialis rapports de stage.
మచిలీపట్నం, ఏప్రిల్ 22: కృష్ణా జిల్లా కోడూరు మండలం విశ్వనాథపల్లి అమ్మవారి నెల సంబరానికి వచ్చిన నలుగురు యువకులు కృష్ణానదిలో స్నానానికి వెళ్లి ప్రమాదవశాత్తూ నీట మునిగి మృతి చెందారు. గుంటూరు జిల్లా చేబ్రోలు మండలం సుద్ధపల్లి గ్రామానికి చెందిన మైలా జయకృష్ణ(19), ఆరుగుల శ్రీకాంత్(18), మట్టుపల్లి పవన్ కుమార్(16), తలుచూరి నాగరాజు(15) ఈ ఘటనలో మృతి చెందారు. శుక్రవారం ఉదయం 6 గంటల సమయంలో విశ్వనాథపల్లి వచ్చిన వీరంతా స్నానం చేసేందుకు కృష్ణానదిలోకి దిగారు. అక్కడ లోతుగా ఉండటంతో దిగిన కొద్దిసేపటికే నలుగురు యువకులు గల్లంతయ్యారు. ఇది గమనించిన స్థానిక జాలర్లు గాలింపు చర్యలు చేపట్టి మృతదేహాలను ఒడ్డుకు చేర్చారు. మృతదేహాలను పోలీసులు పోస్టుమార్టం కోసం అవనిగడ్డ తరలించే ప్రయత్నం చేయగా బంధువులు అడ్డుకున్నారు. పోలీసులు, రెవెన్యూ అధికారుల వైఫల్యం వల్లనే తమ పిల్లలు మృతి చెందారని వారు ఆందోళనకు దిగారు. ఆర్డీవో సాయిబాబు జోక్యంతో మృతదేహాలను అవనిగడ్డ ప్రభుత్వ వైద్యశాలకు తరలించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.