రాష్ట్రీయం
ఇంకుడు గుంతలు లేకుంటే కఠిన చర్యలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 28: గ్రేటర్ హైదరాబాద్ నగరపాలక సంస్థలో ఇంకుడు గుంతలు నిర్మాణం చేయకుండా నిర్మించిన భవన యాజమానులపై కఠిన చర్యలు తీసుకోవాలని హైదరాబాద్ హైకోర్టు జిహెచ్‌ఎంసి, తెలంగాణ రాష్ట్రప్రభుత్వాన్ని ఆదేశించింది. ఇంకుడు గుంతలు కట్టని భవనాలకు మంచినీటి కనెక్షన్లను తొలగించాలని ఆదేశించింది. ఎస్ వైదేహి రెడ్డి అనే ఆమె దాఖలు చేసిన పిటిషన్‌ను హైకోర్టు ధర్మాసనం విచారించింది. 2009 జూన్ 9వ తేదీన జారీ చేసిన జీవో ఎంఎస్ 350ను అమలు చేసే విధంగా జిహెచ్‌ఎంసికి ఆదేశాలు ఇవ్వాలని ఆమె పిటిషన్ దాఖలు చేశారు. ఈ పిటిషన్‌ను హైకోర్టు తాత్కాలిక ప్రధాన న్యాయమూర్తి జస్టిస్ దిలీప్ బి భోంస్లే, జస్టిస్ పి నవీన్ రావుతో కూడిన ధర్మాసనం విచారించింది. నగరంలో భవనాలు, ఇండిపెండెంట్ ఇండ్లు, వాణిజ్య భవనాలను తనిఖీ చేయాలని మున్సిపల్ అధికారులను హైకోర్టు ఆదేశించింది. ఇంకుడు గుంతలు నిర్మించని భవన యాజమానులకు నిర్ణీత గడువు ఇవ్వాలని పేర్కొంది. ఆ గడువులోపల ఇంకుడు గుంతలు నిర్మించకపోతే చర్యలు తీసుకోవాలన్నారు. మంచినీటి కనెక్షన్‌ను తొలగించాలంది. ప్రతి ఇంట్లో ఇంకుడు గుంతలు ఉన్నాయా లేదా, వాటిని ఎలా నిర్మించారనే విషయమై కూడా తనిఖీలు చేయాలని హైకోర్టు పేర్కొంది. ప్రభుత్వం ఈ వ్యవహారాలను పర్యవేక్షించేందుకు ఒక కమిటీని నియమించాలన్నారు. పిటిషనర్ తరఫున న్యాయవాది డి ప్రకాశ్ రెడ్డి వాదనలు వినిపిస్తూ చాలా భవనాల్లో ఇంకుడు గుంతలు లేవన్నారు. జిహెచ్‌ఎంసి తరఫున న్యాయవాది కేశవరావు వాదనలు వినిపిస్తూ జీవో అమలుకు జిహెచ్‌ఎంసి చిత్తశుద్ధిగా కృషి చేస్తోందన్నారు. అనంతరం ఈ కేసు విచారణను జూన్ 20వ తేదీకి వాయిదా వేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.